[ko te tohutoro i roto i te reo Pākehā]
page 1Niu Tireni. Rohe O Hikutaia Nama I Poraka.
Whakawhaititanga.
Ingoa. | |
Whakamaramatanga. | |
1. | Ingoa Poto. |
2. | Ka ahei te Kawana ki te tuku noa i te whenua ki nga Maori hei whakaotinga mo te tautohe. |
3. | Ko taua tuku hei whakaotinga tutru mo taua tautohe. Kupu Apiti. |
He Ture whakamana kia Karaatitia etahi Whenua i roto i te Takiwa Ruuri o Waihou ki nga Maori no ratou a Hikutaia Nama 1 Poraka hei whakaotinga tuturu mo nga Kereeme katoa a ana Maori ki nga Wahi katoa o nga Whenua katoa i roto i taua Poraka.
Notemea kua roa e takoto ana tetahi tautohe i waenganui i nga Maori no ratou a Hikutaia Nama 1 me te tangata i karaatitia ki a ia te whenua e piri ana i te taha o tera, a e puritia nei e ia i raro i te tuku a te Karauna e mohiotia nei ko te karaati a Makaakira (McCaskill): A notemea i runga i te korenga i oti tika nga ruuritanga o mua me te korenga rawatanga atu hoki o nga tohu o te rohe o mua, kitea ana e kore e taea te whakatakoto ano nga rohe o te tuatahi:
A notemea hoki kua puta te ripoata a te Tumuaki Kai-ruuri o Akarana me te Kai-whakahaere a te Kawanatanga mo te taha Maori, o taua Takiwa ano, i muri mai i to ratou huihuinga ko nga taha katoa i roto i taua tautohe ki te korero i ona tikanga, e ki ana taua ripoata kua whakaae nga Maori no ratou nei te whenua i te tuatahi mai kia tango i te whenua e mau nei te whakaaturanga i te Kupu Apiti i raro nei, hei whenua tuturu motuhake atu mo ratou, hei whakaotinga tuturu hoki mo taua tautohe, hei whakarite tuturu whakamutunga ano hoki i a ratou kereeme katoa, mehemea he kereeme a ratou, ahakoa pehea, ki nga whenua katoa i roto i nga rohe o taua karaati a te Karauna ki a Makaakira:
page 2A notemea e whakaarohia ana e tika ana kia whakataua taua whakariteritenga, a kia ata tutuki ai taua mea me ata whakamana e te Ture:
1. | Ko te Ingoa Poto o tenei Ture ko "Te Ture Rohe o Hikutaia Nama 1 Poraka, 1895." |
2. |
Ka whakamana nei te Kawana i konei kia whakaputaina e ia he warati kia tukua noatia atu ki nga tangata e mau nei nga ingoa i raro iho nei, i runga i te tikanga teneta kamana, te whenua e mau nei te whakaaturanga i te Kupu Apiti ki tenei Ture, hei whenua e kore nei e ahei te tuku e ratou, i runga i te hoko, riihi, mokete ranei, pehea ranei, engari ano ki te Karauna: Ki a, Matiu te Pamahue; Te Herewini te Rangai; Rawiri te Wakaiti; Ngahuia Ngakaho; Marara Hikori; Hone te Huiraukura; Te Rakiraki; Wiremu Tangatapo; Mata te Kura; Taniati Paetai; Hakepene Hura; Akeake Mikaere; Ngapuhoro Paitaki; Hatara Ngatai; Pokai te Aperahama; Hera Paremataiti; Paranihia Whakahau; Heta Tawhirl; Rangihoro Paetai; Te Amo Paetai; Hanateiha Pahau; Miriama Kouehu; Mene Paetai. |
3. | Ko te tuku o taua whenua i roto i te Kupu Apiti nei ka kiia he whakaotinga tuturu whakamutunga mo nga kereeme katoa, ahakoa pehea, a nga Maori no ratou nei te whenua i te tuatahi mai, ki nga whenua katoa i roto i nga rohe o te tuku a te Karauna ki a Makaakira kua whakahuatia ake nei. |
Kupu Apiti.
Takiwa Whenua o Akarana.
Tekihana 4, Poraka IV., Takiwa Ruuri o Waihou, te nui e 50 eka e 2 ruuri, nui atu iti iho ranei.