.gif)
He Ture hei whakatikatika i nga Ture Taake-Whenua Taake Utu tau hoki.
Ka Meingatia Hei Ture e te Runanga Nui o Niu Tireni e noho huihui ana i roto i te Paremete, i runga ano i tona mana, ara:—
| 1. | Te Ingoa Poto e tenei Ture ko "Te Ture Whakatikatika 1895 i nga Ture Whakarite Taake-Whenua Taake Utu tau hoki." |
| 2. | I roto i tenei Ture koia nei te Whakamaoritanga o nga kupu e whai ake nei me ka kore e rereke te hangai o nga tikanga o roto nei, ara:—
- "Ture Whakarite Taake" e uru ana ki tenei, "Te Ture Whakarite Taake-Whenua Taake Utu tau hoki, 1891," (e huaina i roto nei ko "te tino Ture") me ona Ture Whakatika i taua Ture.
- "Whenua Maori" tona tikanga, ko nga whenua a nga Maori, me nga whenua e tiakina ana mo nga Maori:
- "Tangata noho whenua" tona tikanga, ko ia tangata e noho ana i runga e puta ana ranei te painga ki a ia o te whenua Maori.
- "Tangata" e pa ana hoki tenei kupu ki te "hunga mahi tahi" ki te "kamupane" ranei.
|
.jpg)
