.jpg)
[ko te tohutoro i roto i te reo Pākehā]
page break
Niu Tireni. Ture Whenua Tuunga Kura I Kirikiri, 1894.
He Ture hei Whakamana i te Whakawhiti o te Whenua Tuunga o te Kura Maori i Kirikiri, i roto i te Kaute o Te Teemu, mo nga Tikanga whakatu Kura mo te katoa.
Notemea i tukua te whenua tuunga o te Kura Maori i Kirikiri, e wha eka kotahi ruuri, nui atu iti iho ranei, e nga tangata no ratou taua whenua ki a te Kuini, i raro i nga tikanga o "Te Ture Whenua Tuunga Kura Maori, 1880," kia tiakina hei tuunga kura Maori, a kua puta he tiwhikete take paanga i raro i "Te Ture Whakawhiti Whenua, 1885," ki a te Kuini mo taua whenua tuunga kura:
A notemea hoki e hiahia ana te Poari Kura o Akarana kia whiwhi ratou ki taua wahi whenua kua kiia ake nei, hei tuunga kura mo te katoa, a kua whakaae hoki aua tangata Maori no ratou te whenua, i raro i nga tikanga o "Te Ture Whakawhanui Whenua Tuunga Kura Maori, 1890," ki te hiahia o taua Poari, i runga ano ia i te tikanga utu atu ki a ratou i nga moni e rua rau pauna hei whakaritenga mo taua whenua tuunga kura; a kei te whakaae taua Poari ki te utu i taua moni, otiia e kore e ahei ta ratou utu i aua moni i runga i te tikanga kore whakamana a te Ture, he uui ke ake hoki era i nga moni e whakamana ana e te Ture i whakahuatia mutungatia ake nei kia utua mo nga keehi pera:
A notemea e tika ana kia whakaputaina he mana pera:
| 1. | Ko te Ingoa Poto o tenei Ture ko "Te Ture Whenua Tuunga Kura Maori i Kirikiri, 1894." |
| 2. | Ka whakamana ana te Poari Kura o Akarana i konei kia utu atu i roto i ona moni ake i nga moni kaua e nui ake i te rua rau pauna, hei utu e riro mai ai, i raro i "Te Ture Whakawhanui Whenua Tuunga Kura, 1890," te whenua tuunga o te kura Maori i Kirikiri, hei tuunga kura mo te katoa, i raro i "Te Ture Kura, 1877." |
