Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

New Zealand: Acts affecting Native Lands, 1886, 1888-91 and 1894-95

Wahi VII

Wahi VII.

Rori Motuhake.

69.

Ana whakawakia te take te roherohenga ranei, o tetahi whenua Maori, a, kua whakataua tera ranei e whakataua kia roherohea page 18kia maha nga roherohenga i raro i "Te Ture Kooti Whpnua Maori, 1886" i raro ranei i tenei Ture, ka whakaekea ki runga ki ia wahanga tetahi tikanga e taea ai te whakatuwhera he rori atu ki ia wahanga ki ia Wahanga o taua whenua.

Ko taua ota ka taea te hanga e te Kooti i te wa i whakataua ai te roherohenga o taua whenua, a ka taea hoki te hanga taua tu ota e te Kooti i runga i te teno a tetahi tangata e whai paanga ana ki te whenua, engari me tae atu tana tono i roto i nga tau e rima i muri mai i taua roherohenga.

Nga Rori Mo Te Katoa.

70.

Ka ahei te Kawana, i nga wa katoa i roto i te tekau ma rima tau i muri mai i te putanga o te tiwhikete tuatahi mo nga take paanga, o te pukapuka whakamaharatanga take, o tetahi atu puka-puka whakatau take paanga ranei, i raro i "Te Ture Kooti Whenua Maori, 1886," i raro ranei i tetahi Ture kua whakakorea atu e tenei, i raro ranei i nga tikanga o tenei Ture, kua whakaputaina i mua ake nei, ka puta ranei a muri ake nei mo tetahi whenua, ka ahei ki te whakahaere ki te whakatakoto ranei i tetahi i etahi raina rori ranei mo te katoa i runga i taua whenua, haunga ia i runga i nga whenua kua kore atu taua niana i raro i tetahi ture kua kore ka whakakorea ranei e tenei Ture, i mua i te paunga o aua tau tekau ma rima, i te mea ranei kua pahure ke; engari me whakahaere, whakatakoto, ranei aua raina rori i roto i nga tau kotahi tekau i muri iho i te putanga o te tiwhikete, pukapuka whakamaharatanga, whakaaturanga take paanga ranei: Engari ko te whenua e tangohia ana, hui atu ki te whenua kua tangohia i mua mo aua rori, me kaua e nui atu i te kotahi eka o roto o ia rua tekau eka o te whenua katoa.

Ka ahei te Kawana i ia wa, i runga i te tuhituhi ki tua o te Karauna karaati, i runga ranei i te tiiti, ki te whakawatea i te whenua i tetahi wahi ranei, kia kaua e pangia e taua tikanga.

Ko enei mana kua whakahuatia ake nei ka ahei te whakahaere ahakoa kaore taua whenua i te purutia e te Maori, e te Maori tahi me te Pakeha ranei.

71.E kore e ahei kia tangohia i raro i te mana o te rarangi i mua tata ake o tenei tetahi whenua e tuungia ana e te pa, paenga kainga, maara a nga Maori, wahi tapu ranei, engari anake i raro i nga tikanga o "Te Ture mo nga Mahi Nunui, 1882," me ona Ture whakatikatika.
72.

Ki te ruuritia he raina rori i runga ma runga ranei i tetahi whenua Maori, i runga i te whakahau a te Tino Tumuaki Kai-ruuri, ko te wahi hei takotoranga mo taua rori ka kiia he wahi kua rite hei rori mo te katoa, a ka riro ki raro i te mana o te Kuini. Ki te whaka-takotoria he rori ki runga ki te rohe i waenganui i te whenua o nga Maori me te whenua o te Pakeha me rite tenu te wahi o tetahi whenua o tetahi whenua e riro mo taua rori, mehemea ka ahei kia pera:

Engari ia ka ahei te Kawana ki te whakatokoto rori ki runga ki nga whenua o nga taha e rua, ki te tango ranei i etahi wahi o aua whenua hei rori.