| 41. | Ko te tukunga i te whenua, e hara nei i te whenua Maori kua whakaotia i runga i te putanga o tetahi ota roherohe, ka kiia kua whakapumautia, ara mehemea ra kaore taua tukunga whenua i takahi i nga tikanga o tetahi ture e mana ana i te wa i tukuna ai te whenua. |
| 42. | Ko te ra i hanga ai tetahi ota roherohe ma tetahi Kai-tono kia rite ai nga tikanga whakatau utu pane Kuini, whaina ranei, ka kiia ko te ra tena o te tuhinga tuatahitanga o tetahi tiiti e tino kiia ana e te kai-tono ko te putake mai tera o tona take, haunga ia ki te rereke te whakahau a te Kooti i roto i taua ota roherohe; engari kaua te ota roherohe kua puta ki tetahi kai-tono e tukua atu ki te Kai-rehita Takiwa Whenua kia tino mohio ra ano te Tumuaki Kai-whakawa kua ea katoa nga utu pane Kuini e tika ana kia utua i runga i taua tuku kua whakaotia ra: Engari e kore nga tikanga o tenei tekiona e whakaeke takoha ki tetahi Maori, ki runga ranei i te tuku whenua a tetahi Maori ki tetahi Maori. |
| 43. | Ko nga kai-tiaki katoa mo nga Maori e hapa ana i te Ture, e whai paanga ana ki nga whenua kua roherohea, ka mau tonu o ratou kai-tiakitanga mo aua tu Maori i roto i te wahi whenua e tau ana ki aua Maori i runga i taua roherohenga, ara ki te kore e whakahaua e te Kooti kia whakarereketia. |
.jpg)
