.jpg)
Niu Tireni. Ture Kooti Whenua Maori.
He Ture hei whakatikatika atu ano i "Te Ture Kooti Whenua Maori, 1886," me era atu Ture whakita i taua Ture.
Ka Meingatia e te Runanga Nui o Niu Tireni e noho huihui ana i roto i te Paremete i runga hoki i tona mana, ara:—
| 1. | Te Ingoa Poto o tenei Ture ko "Te Ture Whakatikatika 1891 i nga Ture Kooti Whenua Maori." |
| 2. | E whakakorea atu ana e tenei Ture te mana o te Tekiona rua tekau ma waru o "Te Ture Whakatikatika 1889 i nga Ture Kooti Whenua Maori" me te warn tuatahi o te Tekiona rima o "Te Ture Whakatikatika 1890 i nga Ture Whenua Maori."
Kaua e timataria he whakawa, kaua hoki e mahia he tikanga ke atu, i roto i tetahi Kooti, kaua hoki e haere tonu tetahi whakawa kua timataria a taeanoatia te mutunga o tera huihuinga o te Paremete, mehemea ra ia e hiahiatia ana hei rapu i te tikanga o tetahi hoko whenua, o tetahi paanga ranei, i raro i nga tikanga o te Tekiona rua tekau o "Te Ture Whakatikatika 1889 i nga Ture Kooti Whenua Maori," hei rapu ranei i te tikanga o tetahi tiiti, pukapuka whaka-whiti, o tetahi atu pukapuka whakamana, i maharatia ranei he pukapuka whakamana hoko, pukapuka whakaae ranei mo tetahi hoko; a me here te whenua e pangia ana e taua hoko tae noa ki te mutunga o tera huihuinga o te Paremete. |
| 4. | Ahakoa e rereke ana nga tikanga o etahi atu Ture, me here era whenua i te Takiwa Porowini o Poneke, e huaina nei ko Horo-whenua nama ono, Horowhenua nama kotahi tekau ma tahi, me Horowhenua nama tekau ma rua, a ko nga wahi katoa o aua whenua ra me tino here tuturu a tae noa ki te mutunga o tera huihuinga o te Paremete; a ko nga whakawa katoa kua timataria i mua ake nei mo aua whenua, mo te utunga mo te tuhatuhanga ranei i nga moni o nga reti, o nga moni ranei i puta mai i aua whenua, me whakatarewa katoa aua whakawa tae noa ki te mutunga o tera huihuinga o te Paremete. |
