[ko te tohutoro i roto i te reo Pākehā]
page 1Niu Tireni. Te Tau Rima Tekau Ma Wha O Te Kuinitanga O Kuini Wikitoria
Ture Whakatikatika I Nga Ture Whenua Maori. He Ture hei whakatikatika i te Ture e pa ana ki nga Whenua Maori.
Ka Meingatia Hei Ture e te Runanga Nui o Niu Tireni e noho huihui ana i roto i te Paremete, i runga hoki i tona mana, ara.
1. | Te Ingoa Poto o tenei Ture ko "Te Ture Whakatikatika, 1890, i Nora Ture Whenua Maori." |
Te Mana Me Te Tikanga Whakahaere O Te Kooti Whenua Maori.
2. | Me rite tonu ano te mana o te Kooti Whenua Maori ki to te Hupirimi Kooti ki te whakamana wira me te whakaputa pukapuka whakamana ki nga kaiwhakahaere mo nga whenua me nga taonga o nga Maori kua mate ki Niu Tireni nei, i mua atu i muri ranei o te mananga o tenei Ture, a ko ana whakamananga wira, me ana pukapuka whakamana i nga kaiwhakahaere, me tino whaimana ano he mea whakaputa na te Hupirimi Kooti. |
3. | Ko te tekiona ono o "Te Ture Whakatikatika 1888 i te Ture Kooti Whenua Maori 1886" me korero me whakamarama ano i patua i te pahitanga ano o taua Ture enei kupu e whai ake nei ara,—"kia marama hoki te Kooti, mo runga mo taua whenua e tonoa ra kia unuhia nga here a e whakaae katoa ana ratou te hunga e kitea iho ana ko ratou te hunga whai take ki taua whenua, me era atu tangata e whaitikanga ana kia unuhia nga here." |
4. | Ko nga tikanga o nga kirimene i whakaaetia noatia e nga Maori, nga Pakeha me nga Maori ranei e uru ana ki tetahi keehi i te aroaro o te Kooti me tuhituhi a me haina e nga tangata katoa e pa ana ki taua kirimene, a me matua titiro taua pukakuka whakaritanga peratanga kia marama ai te Kooti i tuhia tikatia nga ingoa e tika ana e pono ana hold taua whakaritenga, i mua o te whakamananga o taua kirimene e te Kooti i raro i nga ritenga o te tekiona rima tekau ma iwa o "Te Ture Kooti Whenua Maori, 1886." |
page 2
Hoko Whenua.
5. | Ko nga kupu "ono marama" o roto o te tekihana rua tekau ma tahi me te rua tekau ma waru o "Te Ture Whakatikatika 1889 i nga Ture Kooti Whenua Maori" me korero ano i whakakorea atu aua kupu i hoatu ke ko enei kupu "tekau ma rua marama" hei whakakapi mo aua kupu; a me panui hoki taua tekihana rua tekau ma waru ano i whakakorea atu enei kupu "kia tae ra ano ki te mutunga o tera huihuinga o te Paremata" i hoatu ke ko enei kupu "kia tae ra ano ki te mutunga o te Paremete e whai tata ana i te whakataunga whakamutunga a nga Komihana mo taua tono kia whiriwhiria." |