Whakamaramatanga.
2. | E kore tenei Ture e pa ki nga whenua:—
- E whakahaerea ana e Te Kai-tiaki mo te Katoa i raro i nga tikanga o "Te Ture Rahui Maori, 1882."
- Kua wehea hei rahui mo nga Maori i raro i nga tikanga o "Te Ture Whakatau i te Tai-Hauauru (Aotearoa), 1880:"
- E uru ana ki raro i te mana o "Te Ture Ngawha, 1881" i te wa e whai mana ana taua Ture i runga;
- E puritia ana ranei e nga Maori i runga i o ratou tikanga Maori, kahore nei ano i whakawakia e Te Kooti Whenua Maori haunga ia nga ritenga e korerotia i roto nei.
|
Heoi kau nga tekiona o tenei Ture e pa ana ki nga whenua e takoto reti ana mo te wa e reti ana aua whenua, ko tekiona torn tekau ma rua me tekiona toru tekau-ma toru anake.
page 2
Ko "Te Ture Whakamana Reriwe, 1881," ka mana tonu ano kahore i paahitia tenei Ture.
3. | Koia nei nga whakamaoritanga o nga kupu i raro nei, mehemea kaore e rere-ke ana i nga tikanga o tenei Ture:—
- "Komihana" tona tikanga he Komihana e whakaturia ana i raro i tenei Ture:
- "Kooti" tona tikanga ko te Kooti Whenua Maori o Niu Tireni:
- "Kai-whakawa" tona tikanga he Kai-whakawa o taua Kooti:
- "Whenua" tona tikanga ko ia whenua e whaitake ana nga Maori ki runga, haunga ia te whenua i hokona e tetahi Maori i te Karauna i te pakeha ranei, he mea tuku atu taua whenua ki te tangata kotahi mana ake i raro i tetahi Karauna Karaati, pukapuka tuku ranei:
- "Whenua Whakahaere" tona tikanga he whenua wahi whenua ranei e taea ana te whakahaere i raro i nga tikanga o tenei Ture:
- "Komiti" tona tikanga ko nga Maori i tuhia o ratou ingoa i raro i tenei Ture:
- "Maori" tona tikanga he tangata Maori no Niu Tireni, tae atu ki nga hawhe-kaihe me a ratou uri mehemea e puta ana mai i te taha Maori:
- "Tangata nana" tona tikanga ko te tangata ko nga tangata ranei na ratou tetahi whenua, tae atu ki nga tangata kua rehitatia i raro i te tekau ma whitu o nga tekiona o "Te Ture Whenua Maori, 1867:"
- "Rehitatanga" tona tikanga he rehitatanga i raro i tetahi i etahi Ture whai tikanga ki te mahi rehita tiiti, rehita tuku whenua ranei:
- "Hiiritanga" tona tikanga he hiiritanga ki te hiiri o te Komi-hana.
|