.jpg)
New Zealand: Acts affecting Native Lands, 1886, 1888-91 and 1894-95
Ko Te Kahiti O Niu Tireni
Ko Te Kahiti O Niu Tireni.
"Te Ture Kooti Whenua Maori, 1894."— Uiuinga i raro i Wahanga-tekiona 10 o Tekiona 14 o "Te Ture Kooti Whenua Maori, 1894," Pouwhakarua Poraka.
Tari Kooti Whenua Maori, Poneke, 2 Mei. 1898.
Notemea i runga i te tikanga o tetahi Ota o te Kaunihera, i tuhia i te 4 o nga ra o Pepuere, 1898, i perihetia hoki ki roto ki te New Zealand Gazette, i te Taite, te 10 o nga ra o Pepuere, 1898, i whakamanangia a te Kooti Whenua Maori ki te whakahaere i tona mana i raro i Wahanga-tekiona 10 o te tekiona 14 o "Te Ture Kooti Whenua Maori, 1894," mo te whenua e mau nei te whakaaturanga i te Kupu Apiti ki tenei kite whakatau hoki mehemea ranei i meingatia kaore ranei i meingatia taua whenua, tetahi wahi ranei o taua whenua, i te wa i whakawakia ai e te Kooti Whenua Maori nga take paanga ki te whenua, e te tangata e nga tangata ranei i whakaarohia nona no ratou ranei taua whenua kia puritia e te tangata e nga tangata ranei e whakaarohia ana nona no ratou ranei taua whenua, i runga i te tikanga tiaki mo etahi Maori kahore nei i whakaurua o ratou ingoa ki roto ki te pukapuka whakaatu take paanga o taua whenua, a ki te whakatau hoki ko wai ma nga tangata Maori (mehemea tera ano etahi) e tika ana kia whakawhiwhia ki nga painga o te whenua, e tiakina peratia ana, ki te whakahau hoki kia wkakaurua aua Maori ki te pukupuka whakamana take, ratou tahi ko nga tangata i whakaarohia no ratou te whenua, kia uru ranei hei whakakapi mo ratou mo etahi ranei o ratou, ki te whakakore hoki ki te whakarereke ranei i te pukapuka whakaatau take paanga ki te whenua, ki te whakaputa Karauna karaati hoki, i etahi atu pukapuka whakaatu take paanga hou ranei, e tika ana kia whakaputaina, ki te whakahaere hoki ki runga ki taua whenua i nga mana whakahaere me era atu mana katoa e tau ana ki runga ki te Kooti Whenua Maori i runga i nga tikanga o Wahanga-tekiona 10 o Tekiona 14 o "Te Ture Kooti Whenua Maori, 1894," he panuitanga tenei kia mohiotia ai kei te tuunga o te Kooti Whenua Maori ki Whanganui, a te Paraire, te 20 o nga ra o Mei, 1898, te uiuia ai e te Kooti nga tikanga o taua Keehi. Ko nga tangata katoa e whai tikanga ana ki taua tono me haere ki reira, ki Whanganui a taua ra.
Na Ropata Himi, Kai-Rehita,
Kupu Apiti.
Tera piihi whenua katoa i roto i te Takiwa Porowinitanga o Poneke, kei Whanganui e takoto ana e mohiotia ana ko te Pouwhakarua Nama 1 e 1,200 nga eka, nui atu iti iho ranei. (Wh. 169-11, O. of R. 2/124)