Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Old Private Land Purchases in New Zealand, From the Year 1815 to 1840, with Pre-Emptive and Other Claims

Okahu-iti Block, Waiheke, Auckland District

Okahu-iti Block, Waiheke, Auckland District.

Ko matou e mau ake nei nga ingoa no te hapu o Ngatimaru e tino whakaae ana i tenei 1845. 21 January.Auckland District.Okahu-Iti.J. Brigham. ra kia hoatu kia tukua atu kia hokoa rawatia atu ki a Hoani Pirikama, ki ona uri i muri iho i a ia, ki ona e pai ai, e whakarite ai tetahi whenua e takoto ana ki te taha Hauauruma-Tonga me te Tuaraki o te Motu o Waiheke, mo tetahi Kaipuke, rakau rua, nga whakaheke, nga ra, me nga mea katoa o runga, me tetahi Poti.
page 482

E tino whakaae ana hoki matou kia tukua atu kia hokoa atu ki a Hoani Pirikama, ki ona uri i muri iho i a ia, me ona e pai ai nga rakau katoa, nga wai, nga ana, nga kohatu o runga o raro ranei i taua whenua. Ekore matou e hoko atu taua whenua me nga mea o runga ki tetahi atu tangata, otiia ka whakapahuretia to matou paanga ki taua wahi, me nga mea katoa o runga ki a Hoani Pirikama ki ona uri, me ona e pai ai, kia mau tonu i tenei takiwa, a, amua atu nei, a, ake, ake, ake.

Boundaries. [999 acres.] Nga Kaha. Ka timata i Okahu-iti, i to Kihoma wahi, haere tonu i runga i te kaka a pa noa ki tetahi pou i whakaturia, ka rere atu i taua pou tae noa ki te Rata Mata he mea tipi ki te toki, ka poka mai i reira ki te Waioma i te taha moana, ka haere mai i te taha moana riro katoa Kopuaparore ki roto, a tae noa ki tetahi rakau i te rae o Kumukumu, ka haere tonu mai i runga te kaka, a tae noa ki te tumu o Okahu-nui, ka haere mai i te taha-one o Okahu-nui, a pa noa ki Okahu-iti, i to Kihoma wahi.

E tino whakaae ana matou ki te tino tika o tenei pukapuka, a no te mea e tika ana, e pono ana, ka tuhia o matou ingoa, me nga tohu nei i tenei ra o Hanuere te 21 i te tau o to tatou Ariki 1845.

Matiu x tona tohu.
Te Mapu x tona tohu.
Tahu x tona tohu.
Tauru x tona tohu.
Te Wharerau x tona tohu.
Tamati Waka.

Hunga titiro—

Harehi Reweti, Kai Whakamaori, Akarana.
H. N. Warner,

Auckland.