Awaawaroa Block, Waiheke, Auckland District.
1844. 31 December.Auckland District.Awaawaroa.Isaac Merrick. Ko matou Rangatira maori e mau ake nei nga ingoa no te hapu o Ngatipaoa, e
tino whakaae ana i tenei ra kia hoatu, kia hokoa atu ki a Tamati Karama, ki a Hori
Pukoina Oena, ki a Tamati Tuari, ki a Ihaka Meriki, tetahi wahi whenua e takoto
ana ki Awaawaroa i te Motu o Waiheke, kia oti atu taua wahi, me nga rakau katoa,
nga kohatu o runga, o raro, nga wai me nga mea katoa atu hoki, e kitea ana e kitea
atu ranei. Ekore matou e hoko atu taua wahi ki tetahi atu tangata, otiia ka
whakapahuretia to matou paanga ki taua wahi, a ka tukua atu, ka hokoa atu, kia oti
atu, kia mau rawa i a
page 477 Tamati Karama,
i a Hori Pukoina, i a Tamati Tuari, i a Ihaka Meriki, i o ratou uri i muri iho i a
ratou, me o ratou e pai ai kia purutia rawatia taua wahi me nga mea katoa o runga
o raro, i tenei takiwa, amua atu nei, a, ake, ake, ake.
Nga Kaha. Ka timata i te rae o "Tirahopuhopu," ka haere tonu i te kaha o to Te
Boundaries. [900 acres.] Tera wahi, a pa noa ki te Maunga o "Pukeokai," ka eke ki te take o taua
Maunga ka kokoti tonu i reira marere noa ki te awa o "Awaawaroa," ka haere tonu i
te taha o taua awa riro katoa mai "Te Mitimiti," ka haere tonu i te taha awa me te
taha Moana a hono noa ki te tumu o "Tirahopuhopu."
Nga Utu. Kotahi Poti-wera, kotahi tekau paraikete, kotahi rau tupeka, e rua Receipt. tekau Pauna moni ma wha £24.
E whakaae ana matou ki te pono o tenei pukapuka, a no te mea e tika ana, e pono
ana, ka tuhia o matou ingoa i raro nei i tenei ra o Tihema te 31st i te tau o to
tatou Ariki 1844.
Hohepa.
Kahu ko ti.
Paora.
Reihana.
Anaru.
Hunga titoro—
Harehi Reweti, Kai-whakamaori Akarana.
Robt. McLeod, Settler
Waiheke.