1844. 30 December.Auckland District.Okahukura.A. Chisholm. Ko ahau e mau ake nei te ingoa e tino whakaae ana i tenei ra kia hoatu kia hokoa atu ki a Arama Kihoma, ki ona uri i muri iho i a ia, me ona e pai ai, tetahi whenua e takoto ana ki te taha matau o te awa o "Okahukura" kia oti atu taua wahi me nga rakau katoa, nga korari, nga kohatu, me nga mea katoa atu o runga o taua wahi ki tetahi atu tangata, otiia ka whakapahuretia toku paanga ki taua wahi, a ka tukua putia atu, ka hokoa rawatia atu ki a Arama Kihoma, ki ona uri i muri iho i a ia, me ona e pai ai, kia mau tonu i tenei takiwa amua atu nei, a, ake, ake, ake.

Boundaries. [1,200 acres.] Nga Kaha. Ka timata i te Anakorora i te awa o Waitemata ka rere i runga i te kaka tae noa ki te raina o Kawana, he mea poka taua wahi: ka haere tonu mai i reira i te raina o Kawana, a marere noa ki te awa o Oteha: ka haere mai i roto o taua awa, a Okahukura, ka haere mai i te taha awa o Okahukura pa noa ki te whenua o Rangipore: ka haere tonu i nga kaha o to Rangipore, a marere noa ano ki te awa o Okahukura, a Te Kauri, a Kiriahuru, me Te Tikoro; ka haere mai i reira i te taha o te awa o Waitemata, a hono noa ki te Anakorora.

Receipt. Nga Utu. 1 hoiho, 2 hea, 2 parairi, 1 heru, 1 parahi, 4 paraikete, 2 pauna moni £2.