1838. 19 June.Manukau District.Matakawau.Kia mohio nga tangata katoa e kite ana i tenei pukapuka ko matou ko Kaihau ko Ahipene Awitu ma ko Ihaia Manga ma ko te Tutaha ma ko Paratetou ma ko Wareoriri James Hamlin. ma ko Ngakainga ma ko Ngai ma me matou katoa kua tuhituhia nei o matou ingoaki page 331tenei pukapuka nga rangatira o Ngatiteata, tetahi o nga iwi o Waikato e noho ana ki Manukau he awa ki te ripa ki te hauauru o te motu ki raro o Nui Tireni ka tuku ka hoko atu nei i tenei ra te tahi tekau ma iwa o te marama o Huni i tenei tau o to tatou Ariki 1838, i Matakawau i Otamaniwa, i Kopiri i tetahi wahi o Ruaimoko, te wenua nga rakau katoa nga rarauhe me nga aha noa iho i runga i raro o aua kaainga e takoto ana i te takiwa o Ramaroa o Tatangarau kei te taha ki te Tonga e tata ana ki te puaha o Manukau ki a Hemi Hemara me ana tamariki me o ratou wakapaparanga ake ake ake mo tetahi tangata wahine ranei e korero ai a Hemi Hemara hei kaainga mona mo ana tamariki kia ngakia kia hokona kia ahatia ranei e ratou.

Boundaries. [500 acres.] A ko te rohe ki te Hauauru o aua kainga, o Matakawau o Ruaimoko o Otamaniwa o Kopiri ka timata i Kokoreke kei Manukau ka haere i waenga rarauhe a te Hapoki i te pareparenga o te nehenehe te hapoke i keria hei rohe ka heke i te Uretopake ka puta ki te hapoke i te pukepuke rarauhe i Kahurau ka anga ki te Tonga a, te Roro, na ka marere Ki Matakawau kei te Waiwatawata, ka haere i roto i te awa i Matakawau pikopiko ka puta ki te awa nui ki Manukau. Ko te awa nui ko Manukau te rohe ki te Marangai.

Receipt. A kua tangohia e matou e Kaihau ma e Ngai i nga ringaringa o te Hemara nga utu mo aua kainga mo Matakawau mo Kopiri mo Otamaniwa mo tetahi wahi o Ruaimoko enei mea, 24 paraikete 60 lbs. tupeka 100 paipa 25 titaha 6 ho 4 kohua 2 kapu 5 hopi 3 kaone 2 patiti 6 kutikuti 2 heu 7 mikara £5 moni 1 koti nui.