1838. 1 November.Manukau District.Omaru.Kia mohio nga tangata katoa e kite ana i tenei pukapuka ko matou kua tuhituhia nei nga ingoa ki tenei pukapuka nga rangatira me nga tangata o Ngatitamaoho tetahi o nga James Hamlin. iwi o Waikato kei Manukau e noho ana he awa ki te ripa ki te hauauru o te motu ki raro o Nu Tireni kua tuku ia tangata o matou i tona wahi ia tangata o matou i tona wahi me matou me to matou nuinga katoa nga tangata katoa i uru i tata ki tenei kainga ki tenei wahi o Omaru e takoto ana i roto inga rohe ka tuhituhia ki tenei pukapuka kua tuku kua hoko kua hoatu hei utu mo nga mea kua tuhituhia nei ki tenei pukapuka e wakaaetia nei kua riro i a matou a kua tatu o matou ngakau ki aua mea kua homai ki a matou e James Hamlin (Hemi Hemara) kei Moeatoa e noho ana i te hokonga o tenei kainga kei te pito ki raro o Manukau e tata ana ki te totoanga i te Awaroa taua awa o Nu Tireni kua meatia ki runga nei i te hoatutanga i mua atu ranei i te hoatutanga o tenei pukapuka ki a ia a ia tangata ia tangata o matou me matou me to matou nuinga katoa me nga tangata katoa i uru i tata ki tenei wahi o Omaru e takoto ana i roto i nga rohe ka tuhituhia ki tenei pukapuka ka tuku ka hoko ka hoatu nei ka tuhituhi i o matou ingoa tohu ranei o te hoatutanga i tenei ra te tuatahi o te marama o Nowema i tenei tau o to tatou Ariki 1838 ki a James Hamlin (Hemi Hemara) ki ana tamariki ki ona wanaunga ki ona tangata e korero ai ia i tenei wahi o Omaru e takoto ana i roto i nga rohe kua tuhituhia nei ki tenei pukapuka. E rua rau Ekara ki te wakaaro kau ake tini ake ranei torutoru iho ranei, e takoto mai nei ki te taha ki te marangai o Manukau kei te ritenga atu ki uta atu o Ohurua, Waikarewao te kainga i hokoa e te Manihera raua ko Hemi Hemara mo te Hahi Mihinare Komiti, te wenua nga ara katoa nga wai katoa nga rerenga wai katoa nga taiepa katoa nga waikeri katoa nga rakau katoa nga rarauhe katoa me nga aha noa iho e tupu ana e takoto ana me nga aha noa iho i runga i raro o tenei wahi o Omaru hei kainga oti tonu atu mo James Hamlin (Hemi Hemara) me ana tamariki me ona wanaunga me ona tangata e korero ai ia hei mahinga hei hoko page 335hei ahatanga ranei ma James Hamllin (Hemi Hemara) ma ana tamariki ma ona wanaunga ma ona tangata e korero ai ia ake ake ake; a ka mutu te mea no matou tenei kainga me ona tini mea katoa. Ko te rohe o uta o te taha ki to Marangai o tenei wahi Boundaries. [200 acres.] o Omaru kua tuhituhia nei ki tenei pukapuka i timata i Te Hukahuka ka anga waka-te-tonga a Ngawaemutu ka nawe ka anga ki te hauauru ka tika i te rohe o Tapuitiketike, o Waitangi haere ai a, Tanemata, a Te Wai o te Tumu ki te taha ki te marangai o Rautawiriwiri, na ka nawe ka anga ki te hauraro ka tika i te rohe o Wakarewao, a Waikowatu, a te ritenga o Waitaherua, o Tuwerowero, ka nawe ka anga ki te marangai, a Tuwerowero, a Opoteko, a te tutukitanga o Ngaturi o Hikaruarangi, a te Hukahuka. A e mea nei ano matou me nga tangata katoa i uru i tata ki tenei wahi o Omaru kua tuhituhia nei ki tenei pukapuka kahore ano tetahi wahi o te kainga nei i hokona atu e tetahi o matou i mua atu, a e mea nei ano hoki matou ko matou nga tangata i te kainga nei a e tika ana kia tukua e matou kia hoatu tenei wahi o Omaru kua tuhituhia nei ki tenei pukapuka ki a James Hamlin (Hemi Hemara) ki ana tamariki ki ona wanaunga ki ona tangata e korero ai ia: a e mea ana ano e tika ana ma James Hamlin (Hemi Hemara) ma ana tamariki ma nga tangata katoa ano hoki e ki atu ai ia e pupuru i te kainga nei e wiwi ki ona tini mea katoa ana ano hoki ia e wakaohokia e ahatia e te tangata e te aha ranei. Tirohia hoki o matou ingoa me o matou tohu kua tuhituhia nei e matou i tenei ra te tuatahi o te Marama o Nowema i tenei tau o to tatou Ariki 1838. Kua tuhituhia o matou ingoa me o matou tohu ki tenei pukapuka kua hoatu hoki.

Receipt. I riro i a matou nga mea nei hei utu mo tenei wahi o Omaru (kua tuhituhia nei) i te ra ra ano i te tau i tuhituhia ai enei mea, 30 Paraikete 13 Titaha 10 Ho 4 Heru 5 Horoi 4 Mikara 2 Kutikuti 1 Heu 100 lbs. Tupeka.