1836. 1 December.Tamaki Block.Wairoa.Kia mohio nga tangata katoa e kite nei i tenei pukapuka. Na, kua tukua, kua hokona W. T. Fairburn.rawatia e matou e te Tara ma, e te Waru ma, e te Ruapuke ma, nga Rangatira o Ngatiterau taua wahi wenua ko Kumekume, ko Tupuika, ko era wahi katoa hoki ki te taha o te awa ki te Wairoa, ko nga koraha, kon ga wenua, ko nga rakau, a ko nga mea katoa i runga i raro o taua wahi wenua katoa ki a te Pepene, mona, mo ana Tamariki hoki, kia Boundaries.hokona ranei, kia ngakia ranei, kia ahatia ranei, ake ake ake. A ko nga rohe o taua wahi wenua koia enei: ki te taha ki runga, ko te awa, ko te Wairoa tana rohe, ka haere atu ikona a Papakura, a ki te taha ki te Hauauru, ko Manukau tana rohe, a ki Otahuhu ki Receipt.Tamaki mutu ai. A ko nga utu enei i riro mai i a matou mo taua wahi wenua, mo nga rakau mo nga awa, mo nga mea katoa i runga i raro i taua wenua. E rua tekau ma rima Paraikete, kotahi tekau ma rima Titaha, kotahi tekau Kapu, kotahi tekau Kohua, kotahi tekau ma rima Patiti, Kotahi poro tupeka, kotahi tekau Hate, kotahi tekau Tarautete, kotahi tekau Puka, Kotahi tekau Kote. Na, tirohia nei o matou tohu i tuhituhia i te ra tuatahi o Tihema, i te tau o to tatou Ariki kotahi mano e waru rau e toru tekau ma ono o nga tau.