1839. 18 November.Mahurangi District.Kia mohio nga tangata katoa e kite ner i tenei pukapuka, Na kua tukua kua hokona rawatia e matou e E Tuaea E Tamahiki E TangataiteE te Ariaringa E te Ruamutu nga Rangatira no Ngatewatua E te Kahukoti E te Karamu E Hohepa E te Wakarawe E Takapuna E Warenga E Puhata E Tauware E Hoete nga Rangatira no Ngatepawa E Te Weiti. Henry Tayler. Horotiu E te Warewenua E te Kapana nga Rangatira no Ngatitematera kia te Henri Tera taua wahi wenua ko te Weiti e patata ana ki Wangaparaua me nga wahi katoa i roto i enei rohe kei Nu Tirani kua oti nei te tuhituti ki tenei pukapuka a ko te wenua ko nga rakau ko nga awa ko nga mea katoa i runga i raro o taua wahi wenua katoa kua tuhituhia nei, mona mo ona Tamariki hoki kia ngakia ranei kia hokona ranei kia ahatia ranei ake ake ake. Na ko nga rohe o taua wahi wenua ka hokona nei e matou koia enei Boundaries. [20,000 acres.] Ko Rarowara, Ke te Weiti, Ko Okura, Ko te Piripiri, Ko Wawaruangohi, Ko Hoa, Ko Mangaia, Ko Korohopara, Ko Wairau, a ko te rohe ki uta ki nga Taukakatanga o nga pukepuke mutu ai.

Receipt. Kua riro mai ki a matou Ki a te Ruamutu ma, Ki a te Kahukoti ma, Ki a Puhata ma, Ki a Horotiu ma, hei utu mo taua wenua ko te Weiti, Kotahi rau e rua tekau paraikete, E toru kaho tupeka, E wa tekau ma waru kaone, Kotahi tekau ma rua tarautete, Kotahi tekau paraka, E wa hate, Kotahi tekau ma waru titaha, E rua tekau ma wa kapu, Kotahi tekau ma rua puka, Kotahi tekau ma rua maripi, E toru hakete, E ono rau paipa, E toru rau matika, E ono toroiho, E wa karaone, E wa Tupara, E rua tekau pu-maori, Kotahi tekau ma rua potae, Kotahi tekau nga kaho paura, E rua tekau pauna moni.