1834. 10 June.Bay of Islands District.Wakarongo ra e nga tangata katoa ki tenei pukapuka kua oti nei te tuhituhi e matou e te Warenui ma e te Koiti ma e Ruhi ma e te Kekeao ma e te Aitu ma e te Weoki ma Otutai.e te Hukanui ma e Naine ma ki tetahi taha e te Reweti ki tetahi tana. Kua oti te Richard Davis.pukapuka nei te tuhituhi i te ra tekau o te marama i huaina nei ko Huna i te tau o to tatou Ariki a Ihu Karaiti 1834, hei tohu ki a tatou ki nga tangata katoa ano hoki kua oti nei te tuku e matou ara e te Warenui ma e te Koiti ma &c. &c. ki a te Reweti ki nga tamariki a te Reweti ki a ratou wakapaparanga katoa ake tonu atu te wenua katoa e huaina nei e te tangata Ko Otutai Matahongia ranei me nga ngaherehere katoa me nga mea katoa e tupu ana i taua wenua me nga mea i raro iho o te wenua nei. Ko te nuinga o taua wenua e mea nei e te Warenui ma ara e ratou katoa kia oti tonu ake ki a te Reweti ma e rua mano ranei e toru mano ranei o nga Akara e nui atu ranei e nohinohi Boundaries. [2,000 acres.]iho ranei. Ko te kaha ki te Hauta ki te Hauta Weta ko te wai Porutu: ko tona kaha ki te Hau Ita ko te wai Koromahana: ko te kaha ki te Ita ko te Waiaruhe a tae noa ki te hononga o nga wai e rua ko te Waiaruhe ko te Waitangi: ko tona kaha ki te Nota ko te Waitangi a tae noa ki te wai o te Repo korari: ko tona kaha ki te Nota Weta ko taua wai i roto i te Repo korari a kake atu ki runga ki Kaikato atu ki te Nota ki te Nota Weta ki te Weta hoki ko nga kaha ko Kaikato atu a heke iho a kake atu heke iho ki te wai Kakako a ka mahue te wai ko te Aranui te kaha a tae noa ki te kainga o Paparaugi ki te Waimate: a ko te kaha ki te Weta ko te wenua o Waraki ma. Na, kua oti nga mea nei te hoatu e te Reweti ki a Warenui ma ki a ratou katoa hei utu, £40 moni, 20 titaha, 20 nga karauna, 20 kapu, 24 kohua, 18 paraikete, Na kia tino pono te pukapuka kua oti a matou ingoa te tuhituhi e matou nei hei tino tohu ki nga tangata katoa o te ao.