1840. 27 June.Bay of Islands District.Kia rongo nga tangata katoa ki tenei pukapuka no matou no matou e tuhituhi ana i o matou tohu. Ka tuku, ka hoko, ki a te Kuku (William Cook) tetahi wahi wenua na matou ano ia wenua, a ka tino tukua ki a te Kuku mona mo ana tamariki ake tonu atu mona kia ahaai kia noho kia hoko ia i taua wenua. Ka tukua tonutia nga mea o runga o raro i taua nei wahi wenua.

Boundaries. [200 acres.] Na ko te kaha koia tenei. Kei Kohure kei Koutoto ka kake kei Maungatiketike ka rere kei te Pukewau ka rere kei te Waipuna ka rere kei te Pukapuka ka rere kei te Paramoko ka heke kei te Wae ka rere ki Tiketikehapa ka puta kei te Roto a kei te maka o te Kuku i mua kei Pukepuhangahau kei te Tapere. A ko te Moana ara ko te Awa o te Waikare tetahi taha haere ana kei te To a kei Kauakauarau nei ka rere kei Puhiko ka rere kei Rangiaua ka rere kei te Tokitoki kei Wakarongo-waeata ka rere kei Waipuna ka rere kei Mataho kei Taitota.

Receipt. A ko te utu kua riro i a matou koia tenei. He Kaipuke me nga Ra nga mekameka nga aha noa o runga, ko te rite o te moni mo taua Kaipuke ina hokona he iwa tekau pauna ma rima (£95). Koia matou ka tino tuku atu taua wahi wenua mo te Kaipuke nei a ka tuhituhi o matou ingoa o matou tohu ki tenei tukunga ki tenei hokonga i te rua rua tekau ma witu o nga ra o Hune, 1840.