Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Old Private Land Purchases in New Zealand, From the Year 1815 to 1840, with Pre-Emptive and Other Claims

Raoraokauere Block (Wesleyan Mission-station), Aotea District

page 370

Raoraokauere Block (Wesleyan Mission-station), Aotea District.

1844. 14 March.Aotea District.Raoraokauere.No te mea kua roa te nohoanga o tetahi Mihanere o te Hahi Weteriana i to matou kainga, A kahore ano i rite noa te hoko ki a matou, ka mea ai me tuku e matou to matou Wesleyan Mission. kainga nei ki a ratou, ara ki a te Waitere raua ko Te Mera mo te Hohaiati Mihanere o te Hahi Weteriaua o Ingarani, Ka tukua hoki inaianei to matou nei kainga kua oti Boundaries. [167 acres.] nei te ruri. E takoto ana i te taha ki uta o te Pa Raoraokaueri, anga atu ana ki tua atu i te kainga o Eruera (Edward Stockman), puta rawa ki tatahi. Ko tetahi wahi o tenei wenua i wakatapua imua e te Pumipi ratou ko Te Whaitere, ko Te Tatona. Ko nga ingoa o te kainga nei koia enei, ko "Puke Ti" ko "Te Karaka" me era atu ingoa. Ko nga rohe kua takahia, kua keria, kua poua e matou: kua ruritia hoki e te Whaitere ma koia enei kei te pukapuka apiti nei. Na, ko te Ware Poti i hanga imua e Te Tatona ki te taha ki raro o te Pa me waiho tena turanga ware poti hei uranga mo te kainga nei me tetahi huarahi hoki hei wahapu ki te kainga nei; me nga rohe kua ruritia nei ki te pukapuka apiti nei.
Receipt.Ko nga utu mo tenei kainga koia enei, £7 koura, £3 hiriwa, 4 paraikete, 2 kororirori, 4 kaone, 12 haikiha, 24 ho, 36 heu, 24 kutikuti, 10 kohue, 300 matau, 100 paipa, 300 tupeka, 1 huri paraua 1 tatari paraua. Kua riro mai inaianei enei utu na Te Whaitere raua ko Te Mera i homai, koia matou ka tuku ai i tenei kainga me nga wai katoa me nga repo katoa, me nga taeapa me nga mea katoa o tenei kainga ki a raua mo te Hohaiati Mihanere o te Hahi Weteriana o Ingarani, mo o ratou tangata ake ake ake.

Mo konei ka tuhituhi ai matou i o matou ingoa ki tenei pukapuka i tenei ra, te tekau ma wa o nga ra o Maehe i te tau 1844.

No te mea i tuhituhi mai te Pukapuka o Te Kawana imua, kia kaua ai matou e hoko wenua ki te Pakeha koia matou ka mea ai, me tuhituhi matou ki tenei Kawana hou nei, me ki atu,—mo te mea kua roa ke te noho o te Mihanere ki tenei kainga, koia matou ka hoko atu ai ki a ia, kia tika ai tona noho: mana hoki, ma te Kawana e wakaae mai ki tenei kainga hei nohoanga mo to matou Kaiwakaako.

(Signed) Horiata Te Kaka.
Ani Tana Te Iwi.
Ko Taputapu.
Hoani Tame.
Te Pairuahau.
Hori Kingi Te Matera.
Aperahama te Karu.
Te Manihera Moke.
Ko Kiripakoko Te Haratua.
Hori Karaka.
Hakaraia Te Warau.
Te Hamara Te Wairakau.
Te Mokena Paiware.
Penehamini Ruapapa.
Ko Mari.

Witnesses

E. W. Stockman.
Joseph Teabought.

Nga Kai-titiro—

Heriatera Nga Ahi.
Hoani Weteri Ngamuka.