Enclosure 2.

Kia marama nga whakaaro; kei pouri o koutou whakaaro ki to maua kupu, ta te mea maua. i pena atu ai ko koutou ko matou i whawhai tatou mo te whenua; koia ta maua kupu i maua atu na te Maremare. Koia tenei puke i Manaia, tu te ao tu te po; puke i te Whara, tu te po, tu te ao. Ko te kaipuke kua pakaru, ko te moni kua ngahoro, ko te whenua i kore i memeha. Ka patau he whenua mo maua, e kino ai koutou, tena he kaanga ano mo tau kapura, ma te whenua ka meinga he tamaiti, ka meinga he wahine, ka meinga he tangata; ki te riro i te Pakeha te whenua, e kore e meinga ko tatou, penei kotahi tangata e paingia, kotahi e kore e paingia. Tena ki te kore e riro te whenua, ka mahi page 60nga tutua ki te wbenua, ka tahi ka riro mai te tupeka, me te kabu, nie nga mea katoa a te Pakeha e mahue atu ana. Otira, hore rawa kia kotahi he mea homai noa, engari pea nga rangatira, kahore ranei. Mawai ranei ka tika ai te tikanga mo tatou? Koia maua ka mea atu nei, kia u mai; tena ano tona wahi e kite ai tatou i tona nuinga. E ronga ana hoki tatau ki nga Pakeha Maori o mua; ina hoki ko nga manu katoa o te moana e hoki ana ki te tuawhenua whakaimi ai i ana pi ki ana pakau, kihai i mea kia whanan ki te moana, kahore rawa. Ko nga kaipuke e u ana ki utu; ko ona utanga he riwai, he kaanga, he paukena, ka whai utanga tena waka, te kaipuke. Koia maua ka mea atu nei, ko te whenua kei runga ake i a tatou, ko taton hoki ana tamariki. Kia Pohe pea e he ana ki ona wha-kaaro. Koia maua ka mea atn nei kia koutou, kei riri koutou kia Hirini, no kona ano ana mahi kino ana mahi pai. Puritia mai te whenua, kia u mai; ina hoki e mea ana ia, "Ko te Puru, ko te Puru Tokatoka kia uwe uwe, a kia tutangatanga ai te riri ia. Ekore te riri e tae mai ki Kaipara, &c?"

Kia Te Manihera,
Kia Tipene,
Kia Te Amo,
Kia Te Karekare,
Kia Pohe.