Ko te Tuarua.

Ko te Kuini o Ingarani ka wakarite ka wakaae ki nga rangatira ki nga hapu ki nga tangata katoa o Nu Tirani, te tino rangatiratanga o o ratou wenua, o ratou kainga, me o ratou taonga katoa. Otiia ko nga rangatira o te Wakaminenga, me nga rangatira katoa atu, ka tuku ki te Kuini te hokonga o era wahi wenua e pai ai te tangata nona te wenua, ki te ritenga o te utu e wakaritea ai e ratou, ko te kai hoko e meatia nei e te Kuini hei kai hoko mona.