Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

An Epitome of Official Documents Relative to Native Affairs and Land Purchases in the North Island of New Zealand

Panuitanga — Na Ta Hori Kerei, Kawana o Nui Tirani, &c

page 98

Panuitanga
Na Ta Hori Kerei, Kawana o Nui Tirani, &c.

No te mea, kua tukua mai he mana kia Te Kawana kia whakaputaina atu e ia te whakaaro tohu o Te Kuini, i runga i etahi tikanga, ki nga iwi kua uru nei ki roto ki tenei whawhai whakapouri ngakau.

Na, ko ahau ko Ta Hori Kerei, Kawana o Nui Tirani, ka whakaputa, ka panui nei, i tenei ritenga. Ka murua katoatia e au, i runga i te ingoa o Te Kuini nga he o nga tangata katoa kua uru ki roto ki tenei whawhai, nga tangata e haere mai i roto i nga ra e takoto ake nei, tae noa ki te tekau o nga ra o Tihema, 1864, a ka oati i te Ki Tuturu, ka ruku raai hoki i tetahi whenua ki a Te Kuini. Ma Te Kawana raua ko Te Tianara e whakarite ki ia tangata, ki ia hapu, te nui o te wahi e tukua mai e ratou.

Na, ko nga tangata katoa kua uru ki roto ki tenei whawhai, a kua hiahia kia hoki mai ano ki roto ki nga rohe o te wahi kua tukua mai ki a Te Kuini noho ai, ki roto ranei ki nga rohe o nga kainga pakeha, me tuku mai ratou i nga pu, i nga paura, i nga patu katoa e mau ana i a ratou.

Na, ko te tikanga murunga he kua whakaaetia nei i roto i tenei Panuitanga, ekore e tau ki runga ki nga tangata i uru ki te kohurutanga o enei pakeha e mau nei o ratou ingoa i roto i te pukapuka nei. [Same names as before.—Ed.]

He mea tuku atu i raro i toku ringa i te Wharo o Te Kawana, i Akarana, he mea whakaputa atu i raro i te Hiri, o te Koroni o Nui Tirani i tenei rua tekau ma rima o nga ra o Oketopa, i te tau o to tatou Ariki kotahi mano e waru rau e ono tekau ma wha.

Na Te Kawana i mea.

G. Grey.

E te Atua tohungia Te Kuini!