Kua Riro mai ki a matou i tenei ra, i te whitu (7) o nga ra o Hune 1859 nga pauna1859. 7 June.Hawke's Bay. moni e rima tekau (£50) na te Makarini i homai ki a matou. Hei ritenga tenei ki a matou mo te kainga i Okawa i tukua e te Moananui ma i Poneke i a Hanuere 1854,Okawa. kahore nei matou i uru ki roto ki taua tukunga, ka oti nei e matou tenei kainga teReceipt for £50. whakapumau hei kainga tuturu tonu iho mo Wikitoria mo te Kuini o Ingarani mo nga Kingi Kuini katoa o muri iho i a ia a ake tonu atu. Ka timata te rohe o tenei kainga iBoundaries. Oreore, ka whai tonu i te taha o te roto, ka eke ki uta, tika tonu ai ki Ngamahanga, ka rere ka heke ki Pakikokiko makere tonu ki roto ki Tutaekuri ka haere tonu ki roto ki te wai puta noa ki Ngutuwaha, ka rere ki uta puta noa ki Pukekautuku, makere noa ki Mangatarata rere tonu i roto i te wai tae noa ki Okawa rere noa mai i roto i te wai puta noa mai ki Oreore. Heoi kua oti i a matou te hurihuri te poroporoaki te tino tuku rawa atu i tenei kainga me ona rakau me ona wai me ona pohatu me ona otaota me ona mea katoa kei runga ranei i te mata o te whenua kei raro ranei i te mata o te whenui hei kainga pumau tonu iho ki a Wikitoria te Kuini o Ingarani ki nga Kingi Kuini rai ei o muri iho i a ia ake tonu atu. Nokonei hoki ka tuhia iho o matou nei ingoa ki tenei pukapuka.