Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

[section]

Previous Section | Table of Contents | Up | Next Section

[i roto i te reo Māori]

Tenei Pukapuka tuku whenua e tuhituhia nei i tenei ra i te rua tekau ma waru o nga1855. 28 March.Hawke's Bay. ra o Maehe i te tau o to tatou Ariki kotahi mano e waru rau e rima tekau ma rimaMatau-A-Maui(Cape Kidnapper.) (1855). He Pukapuka whakaae pono na matou na nga Rangatira me nga tangata o Ngatikahungunu e mau nei nga ingoa ki tenei pukapuka mo matou mo o matou whanaunga e whanau i muri iho i a matou kia tino tukua rawatia tetahi wahi o to matou kainga ki a Wikitoria te Kuini o Ingarani ki nga Kingi Kuini ranei o muri iho i a ia a ake tonu atu.
A mo to matou whakaaetanga kia tino tukua rawatia tenei wahi o to matou kaingaPrice £2,000. e whakaae ana hoki a Wikitoria te Kuini o Ingarani mona kia utua matou ki nga pauna moni e rua mano takitahi (£2000). Kotahi mano (£1000) o aua moni kua riro mai kiReceipt for £1,000, first instalment. a matou i tenei ra na te Makarini i homai. Kotahi mano takitahi (£1000) ko te utunga whakamutunga ki a matou mo tenei whenua ka homai ki a matou i roto i nga ra o Maehe i te tau 1856.
Ko te Matau a Maui te ingoa nui o tenei kainga. Ka timata te rohe ki WaipukaBoundaries. ka haere mai i te takutai tutuki noa ki te Matau a Maui ka haere tonu i te takutai ano puta noa ki te kongutu awa o Tukituki ka taki ka rere i roto i Tukituki puta noa ki Papaotihi ka ahu whaka te rawhiti ka rere i runga i te ara hoiho i te rohe o te tawaha page 502i hokona e Arama Koromahue puta noa ki Maraetotara whiti tonu i Maraetotara rere tonu i te ara tutaki noa ki Waipuka. Ka mutu.
Kotahi te wahi man i roto i enei rohe kei te Matau a Maui ko Rangaika te ingoa.Native reserve. Ka timata te rohe ki Whakapau haere tonu i te hiwi mau noa atu ki Rakaitokotu rere[Rangaika.] atu ki Kairangi ka heke ki tatahi puta noa atu ko te Puapua ka haere i te taha a te. Moana tutaki noa ki Whakapau. Kahore he wahi ke atu e puritia ana e matou i roto i enei rohe.

Heoi ra kua oti i a matou te hurihuri te mihi te poroporoaki te tino tuku rawa atu i tenei kainga o a matou tupuna tuku iho ki a matou me ona awa me ona roto me ona wai me ona manga me ona rakau me ona kowhatu me ona otaota me ona wahi parae me ona ngaherehere me ona wahi ataahua me ona wahi kino me nga mea katoa kei runga ranei o te whenua kei raro ranei o te whenua me nga aha noa iho o taua whenua kua tukua katoatia atu e matou i tenei ra e whiti nei hei whenua pumau tonu iho ki a Wikitoria te Kuini o Ingarani ki nga Kingi Kuini ranei o muri iho i a ia a ake tonu atu.

A mo to matou whakaaetanga ki nga tikanga katoa o tenei Pukapuka kua tuhia iho o matou ingoa me o matou tohu ki Ahuriri i tenei ra i te 28 Maehe 1855.

A mo te whakasetanga o te Kuini o Ingarani mona ki nga tikanga katoa o tenei pukapuka kua tuhia iho te ingoa o te Makarini te Kai whakarite whenua o te Kawana o Nui Tireni.

Donald Mclean,
Land Commissioner.

Te Moananui x tona tohu.
Tareha x.
Karaitiana.
Karauria Papu.
Te Meihana Takihi.
Wi Maiaia.
Paora Torotoro.
Te Ware.
te Wirihana.
Matini Tangohik[gap — reason: illegible].
te Hira te Ota.
Ko Oneone.
Ko Pita Korokaihuna.
Ko Hapeta te Wanikau.
Ko Penetiki Pokai.
Te Hoterene Waiangi.
Hone te Hoeroa.
Pera Ngarangione.
Ko Mapu.
Paora Kaiwata.
Kaiwata.
Katene.
Paora te Muri.
Te Muera.
Te Whakahoki.
Hone te Wharemako x.
Eraihia Huakura.
Renata Tauihu x.
Otene Takihi.
Wiremu te Ota x.
Henare Tomoana x.
Te Karawa x.
Te Ropiha Waitai x.
Tamihana Pekapeka x.

Nga kai titiro ki enei homaitanga utu me enei tuhinga ingoa—

Alfred Domett, Commissioner.
Walter Mantell, Settler and Commissioner.
Edwards Hamlin, Settler.

Previous Section | Table of Contents | Up | Next Section