Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Kahuranaki Block, Cape Kidnapper, Province of Hawke's Bay

Kahuranaki Block, Cape Kidnapper, Province of Hawke's Bay.

Tenei Pukapuka tuku whenua e tuhituhia nei i tenei ra i te iwa (9) o nga ra o1854. 9 January.Hawke's Bay. Hanueri i te tau o to tatou Ariki kotahi mano e waru rau e rima tekau ma wha (I854).Kahuranaki. He Pukapuka tino wakaae pono na matou na nga Rangatira me nga Tangata o Nga-tikahungunu e mau nei nga ingoa ki tenei Pukapuka mo matou mo a matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou Kainga ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu.
A mo to matou wakaaetanga kia tino tukua rawatia tenei wahi o to matou KaingaReceipt for £l,100 e whakaae ana hoki a Wikitoria te Kuini o Ingarini mona kia utua matou ki nga pauna moni Kotahi te mano takitahi kotahi te rau takitahi (£1100). Ko aua moni kua riro mai ki a matou i tenei ra na te Makarini i homai.
Ka timata te rohe ki Tukituki ka rere i roto i Hawea mau noa atu tae noa kiBoundaries. Maungarahirahi mau noa atu te Weraki i runga tonu i te rohe tawhito mau noa ki Kotukumauroa makere noa ki te Kauru, o Hawea mau noa atu ki Maraetotara mau noa atu ki te ana o Paraheka mau noa atu ki nga Kaha o te whare o Tunui mau noa atu.ko te Karaka ka wati i reira mau noa atu ko Okahu mau rawa atu ko Papaotuhi mau noa atu ko Aruaotea ki Tukituki ka rere tonu i roto i Tukituki mau noa atu ki Kaiwaka mau noa atu ki Hawea.

Heoi kua oti i a matou te hurihuri te mihi te poroporoaki te tino tuku rawa i tenei Kainga o a matou tipuna tuku iho ki a matou me ona awa me ona manga me ona roto me ona wai me ona rakau me ona otaota mo ona kohatu me ona wahi parae me ona wahi ataahua me ona wahi kino me nga mea katoa ki runga ranei o te whenua ki raro ranei o te whenua me nga aha noa iho o taua whenua ka oti rawa i a matou te tino tuku rawa atu i tenei ra e witi nei he whenua pumau na matou ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu.

A mo to matou wakaaetanga ki nga tikanga katoa o roto i tenei pukapuka ka tuhia iho e matou o matou ingoa me o matou tohu,

page 500

A mo te whakaaetanga o te Kuini o Ingarini mona ki nga tikanga katoa o roto i tenei Pukapuka ka tuhia iho e te Makarini te Kai wakarite whenua o te Kawana o Nui Tireni tona ingoa.

Te Hapukux tonu tohu.
Karauria Kite.
Puhara x
Karanema te Nahua (Hapuku's son).
Donald McLean,
Land Commissioner.

Nga kai titiro ki enei homaitanga utu me enei tuhinga ingoa—

H. T. Kemp, Native Sectry., Wellington.
John P. Russell, Settler, Wangai Moana, Wairarapa.
Thomas Stanley Partridge, Clerk in Bank of Issue, Wellington.