[i roto i te reo Māori]
Tenei Pukapuka i tuhituhia i te rua tekau ma toru o nga ra
o-Aperira, kotahi mano1868. 23 april.Hawke's Bay. e waru rau e ono tekau ma——(The word "waru" omitted.—H. H. T.) Na Paora
Rangituruturua, Aarona Ngawiki, Te Peka, Te Reweti Pakiwaho, Nikorima Tohitete,
Te HapaRuahine. Te Ngaehe, Matena Puhi, Rimitiriu Ngangira, me Reihana Te Tohi no te
takiwa ki Ahuriri, i roto i te Porowinihi o Haku Pei he tangata maori no Nui
Tireni o te taha tuatahi me to tatou Rangatira Nui, me Wikitoria, o te
Rangatiratanga Huihui o Ingarangi, o Kotorana, me Aerena, te Kuini o te taha
tuarua E whakaatu ana mo te whakaarotanga ki nga moni e Ono e toru tekau pauna
tuturu ki taua Paora Rangituruturua, Arona Ngawiki, Te Peka, Te Reweti Pakiwaho,
Nikorima Tohitete, Te Hapa Te Ngaehe, Matena Puhi, Rimitiriu Ngangira, me taua
Reihana Te Tohi kua utua e taua Wikitoria te Kuini o Ingarangi me Kotarana me
Aerena (i ma nga ringaringa o HamueraReceipt for £630, total payment. Raka pakeha Rangatira o Nepia he Kaiwhakawa no te Koroni o Nui Tireni,
ko te whakaaetanga hoki tenei o te rironga mai o aua moni). Ko ratou ko taua
Paora Rangituruturua, Arona Ngawiki, Te Peka, Te Reweti Pakiwaho, Nikorima
Tohitete, Te Hapa Te Ngaehe, Matena Puhi, Rimitiriu Ngangira me Reihana Te Tohi
mo ratou ake, mo o ratou uri, kaiwhakarite, nga kai tango i o ratou tuunga mo a
ratou e tuku atu ai ranei Ka tino whakaae ka whakatuturu, ka tino tuku rawa atu
ki taua Wikitoria te Kuini o nga Rangatiratanga huihui o Ingarangi, o Kotarana,
o Aerena ki nga Kingi me nga Kuini katoa ano hoki o muri iho i a ia ki ana ranei
e tuku atu ai Katoa o taua wahi whenua i roto i te Porowinihi o Haku Pei i roto
i te Koroni o Nui Tireni, ko tona rahinga i te ruritanga kotahi mano kotahi rau
kotahi tekau ma rua eka (1112) hira atu iti iho ranei kei te Mahia i roto i te
takiwa ki te Mahia ko tona ingoa i mohiotia ai ko Whangawehi tuarua ko tona nama
he rima tekau ma wha N (54 n) ko ona rohe i te taha kiBoundaries. [1,112 acres.] te Hauauru ko te raina tutukitanga o te tai kato i te taha moana, i te
taha ki te Rawhiti ko te awa ko "Wainui" tae noa ki Tokaroa, i te taha ki te
Tonga, ko te whenua ko Tauapata te Hauauru, e toru mano e ono tekau me rua
Riiki, e rua mano e waru rau, e e rima tekau riiki, i te taha ki te Tonga whaka
te Ra-to ko taua whenua ano ko Tauapata te Hauauru, e toru mano e waru rau e ono
tekau riiki, a, i te taha ki te Hauauru whaka te Ra-to ko te awa ko Whangawehi.
Kua tino whakaatutia hoki taua whenua ki runga ki te mapi kua whakaahuatia nei
ki tetahi taha o tenei pukapuka, me ona ritenga me ona paanga katoatanga ki
reira. Kua whakapumautia atu taua wahi whenua me ona ritenga me ona paanga me
ona take tipuna katoa me nga mea katoa e piri ana ki reira ki taua Wikitoria te
Kuini, ki nga Kingi ki nga Kuini katoa ranei o muri iho i a ia, ki ana e tuku
atu ai ranei ake tonu atu. A hei tino tohu mo te whakaaetanga o enei tangata kua
tuhia nei o ratou ingoa ki raro iho nei.
Paora Rangituruturua.
Reihana Te Tihi x his mark.
Reihana
Te Tihi x his mark.
Nikorima Tohitete x his mark.
rimitiriu
ngangira.
A Rona ngawiki.
te Peka.
Te Reweti Pakiwaha x his
mark.
Te Hapa Te Ngaehe x his mark.
matana pihi.
I tuhituhia e taua Paora, Rangituruturua, Reihana Te Tohi, Nikorima
Tohitete, Rimitiriu Ngangira, Arona Ngawiki, Te Peka, Te Reweti Pakiwaha, Te
Hapa Te Ngaehe, i muri o te whakamaoritanga me te whakamaramatanga ki a ratou o
te pukapuka i runga ake nei i te aroaro o—
George Burton, Licensed
Surveyor,Te Wairoa.
F. E. Hamlin, Licensed Native Interpreter,
Clive.
I tuhituhia e taua Matana Puhi i muri o te whakamaoritanga me te
whakamarama-tanga ki a ia o te pukapuka i runga ake nei i te aroaro o—
Arapeta.
Haki Wai.