Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Tautane Block, Province of Hawke's Bay

Previous Section | Table of Contents | Up | Next Section

page 497

Tautane Block, Province of Hawke's Bay.

Tenei Pukapuka tuku whenua e tuhituhia nei i tenei ra i te toru (3) o nga ra o1854. 3 JanuaryHawke's Bay. Hanuere i te tau o to tatou Ariki kotahi mano e waru rau e rima tekau ma wha (1854). He Pukapuka tino wakaae pono na matou na nga Rangatira me nga Tangata o Ngati-Tautane. kahungunu e mau nei nga ingoa ki tenei Pukapuka mo matou mo a matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou Kainga ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu.
A mo to matou wakaaetanga kia tino tukua rawatia tenei wahi o to miatou kaingaPrice, £1,000. e whakaae ana hoki a Wikitoria te Kuini o Ingarini mona kia utua matou ki nga pauna moni kotahi te mano takitahi (£1000). E rima rau (£500) takitahi o aua moni kuaReceipt for £500, first instalment. riro mai ki a matou i tenei ra na te Makarini i homai. E rima rau (£500) takitahi o aua moni ko te utu wakamutunga ka homai ki a matou i nga ra o Hanuere 1855.
Ka timata te rohe ki te Arataura ka rere ki uta ki te Kohuotu ka rere ki te Awa-Boundaries. putahi puta noa ki te Ahititi puta noa ki te Irenga-o-ratunga ka wati wakatetonga ki te Rakaututaha puta noa ki Oporae rere noa te Ahunga wakatetae o te rohe ki Wahatuara puta noa ki te rohe o te whenua kua hokona ki a te Kuini o Ingarini tae noa ki Waimata ka rere tonu i te tana o te Moana puta noa ki te Arataura.
E rua.nga wahi o roto o ena rohe o wakatapua mo matou ara ko te wahi ki teTwo Native reserves. Waimata puta noa ki te Kohaikura rere noa ki uta ki te Pa o te ratunga tutaki noa ki te rohe ki Waimata. Ko te rua o nga wahi ko tetahi wahi ki Tautane me tetahi taha ngaherehere hoki. Heoi nga wahi mo matou.
Ko nga koha ano ki te ritenga o nga koha e homai nei ki Wairarapa ka homai ki aFive per cents to be paid. matou mo tenei whenua.

Heoi kua oti i a matou te hurihuri te mihi te poroporoaki te tino tuku rawa i tenei kainga o a matou tipuna tuku iho ki a matou me ona awa me ona manga me ona roto me ona wai me ona rakau me ona otaota me ona kohatu me ona wahi parae me ona wahi ataahua me ona wahi kino me nga mea katoa ki runga ranei o te whenua ki raro ranei o te whenua me nga aha noa iho o taua whenua ka oti rawa i a matou te tino tuku rawa atu i tenei ra e whiti nei he whenua pumau na matou ki a Wikitoria te Kuini o Ingarini ki nga Kingi Kuini ranei o muru iho i a ia ake tonu atu.

A mo to matou wakaaetanga ki nga tikanga katoa o roto i tenei pukapuka ka tuhia iho e matou o matou ingoa me o matou tohu.

A mo te wakaaetanga o te Kuini o Ingarini mona ki nga tikanga katoa o roto i tenei pukapuka ka tuhia iho e te Makarini te Kai wakarite whenua o te Kawana o Nui Tireni tona ingoa.

Donald McLean,
Land Commr.
Ko te Hapuku x.
Ko Hinepaketia x.
Ko Puhara x.
Ko te Kemara.
Ko te Wereta Kawekairangi x.
Rapana Hauerangi x.
Piripi Patoromu.
Heremaia Tamaihotua.
Hoera Wakataha.
Kapinera Hihira.
Ko Hori Niania.
Ko te Kuru x.
Ko te Hiriwanu x.
Ko te Waihiku x.
Ko Tamihana x.
Paora te Rangiwakaewa x.
Ko Hemi Miha.
Ko Huhana x.
Pirihira te Whakahu x.
Ko Ngaika.
Ko te Ngira x.
Ko Karaitiana.
Ko Wereta Pita x.
Ko te One Kahore x.
Ko Katarina x.
Ko te Koroneho x.
Ko te Hutana x.
Ko Tamati x.
Ko Heketa x.
Ko Hiore x.
Ko Heriheri x.
Tiemi Tiakitai x.

Nga kai titiro ki enei homaitanga utu me enei tuhinga ingoa—

Alfred Domett, Land Commr.
Ko Piripi.
H. T. Kemp, Native Sectry., Welliagton.

Previous Section | Table of Contents | Up | Next Section