Tenei pukapuka1859. 24 August.Hawke's Bay i tuhituhia i tenei rua tekau ma wha o nga ra o Akuhata i te tau o to tatou Ariki 1859 he Pukapuka tino hoko tino hoatu tino tuku whakaoti atu na matou na nga Rangatira me nga tangata o Heretaunga no ratou nga ingoa e mau i raro nei a(Wiremn Rohu's claims.) hei whakaatu tenei pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawa kua tino tukuna rawatia atu ki a Wikitoria Kuini o Ingarangi ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E wha rau takitahi (£400) kua utua mai ki a matou e te Makarini mo te Kuini (a e whakaaetia nei e matou te rironga mai o aua moni) ko taua wahi whenua katoa kei Ruahino ko nga rohe kei raro i te Pukapuka nei e mau ana te korero whakahaere. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa oBoundaries. tenei Pukapuka kua tuhia nei te ingoa o te Makarini Kaiwhakarite Whenua. Ko nga rohe enei o taua whenua ki timata i Tawhiti papaka, mau rawa atu ko Pukemuka, mau rawa atu ko Pukemuka iti, mau rawa atu ko te Mamaku, mau rawa atu ko Timurangi iti, mau rawa atu ko Tutukaka a Tama te ahirau, mau rawa atu ko Waipaoa, ka whati ki te taha ki Ruahine ka mau ana ko te Anapatete ka mau ana ko Kohitane, ka mau ana ko Tupakiatataku, ka mau ana ko Waihoanga ka whati ikonei ki te taha ki te Kapekape, ka mau ana ko Rangitoto, ka mau ana ko Waihoanga iti, ka mau ana ko te Wairere, ka mau ana ko te Mauku, ka mau ana ko te Kaitutehu, ka whati ikonei ki te taha ki te tonga ka mau ana ko te Mapara, ka mau ana ko te Pukahu, ka mau ana ko Taumauri, ka mau ana ko te Ahiruru, ka mau ana ko Tuakirikiri, ka mau ana ko te Ahikopaeoterangiwaea, ka mau ana ko te Ahikiore, ka mau ana ko te Heipiripiri, ka mau ana ko Puketawai, ka mau ana ki te taha ki te Moana kei Pukewhinau, ka mau ana ko te Kaiwhinau a Rakaiwerohia, ka mau ana ko te Ahitaeore, ka mau ana ko Timuranginui, ka mau aua ko te Kiekie ka whati ikonei i te taha ki te tonga, ka mau ana ko Tarakekakapo, ka mau ana ko te Whakaumu, ka tutaki ano ki te timatanga ano ki Tawhitipapaka. Otira ko o matou kainga me o matou paanga katoatanga ki nga whenua katoa kua hokona e o matou whanaunga ki reira.