Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Omarutairi Block, Takapau, Province of Hawke's Bay

Omarutairi Block, Takapau, Province of Hawke's Bay.

Tenei Pukapuka1859. 12 August.Hawke's Bay. i tuhituhia i tenei ra i te tekau ma rua o nga ra o Akuhata i te tau o to tatou Ariki 1859 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngaitahu no ratou nga ingoa e mau i raro nei a heiOmarutairi. whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuiui o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E wha rau takitahi £400 . 0. 0 kua utua mai ki a matou e te Makarini mo te Kuini (a e whakaaetia nei e matou te rironga mai o aua moni) ko taua wahi whenua katoa kei te Takapau ko Omarutairi te ingoa o taua wahi whenua ko nga rohe kei raro i te Pukapuka nei e mau ana te korero whakahaere. Me ona rakau me ona kowhatu me ona wai me ona awa nui me ona roto me ona awa ririki me nga mea page 540katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaae-tanga o te Kuini o Ingarani mo tana wahi ki nga tikanga katoa o tenei Pukapuka kuaBoundaries. tuhia nei te ingoa o te Makarini Kaiwhakarite Whenua. Ko nga rohe enei o taua whenua ka timata i te rohe o te tukunga tuatahi, i te Whakamaru rere noa i roto i Makaretu mau noa atu ko Otekara, ka whati i konei rere noa ki te Matau, ka rere tonu i te Matau puta noa ki te ngaherehere, haere tonu i te taha o te ngaherehere, mau rawa mai ko Porangahau, rere noa i roto i te wai puta noa ki te rohe tawhito ka whati ikonei rere tonu i te rohe tawhito puta noa ki te timatanga ra ano ki te Whakamaru.Reserve for Hori Niania and Hineipaketea. [1,000 acres.] Kotahi te wahi i roto i enei rohe ka whakahokia ki a Hori Nia Nia raua ko Hinei-paketia, kotahi mano eka (1000) o te parae ka timata i te Waimanu, rere tonu ki Otekara, puta noa ki Makaretu, a ma te ruritanga e kimi atu etahi rohe.

Donald Mclean, Comr.

Receipt for £400. Kua riro mai ki a matou i tenei ra i te tekau ma rua o nga ra o Akuhata i te tau o to Tatou Ariki Kotahi mano e waru rau e rima tekau ma iwa (1859) nga Pauna moni e wha rau takitahi (£400. 0 . 0) ko te utu katoa tenei kua whakahuatia ki te Puka-puka tuku e mai i runga ake nei kia utua mai ki a matou e te Makarini mo te Kuini.

Na Hori Niania
Na Hirakax tana tohu.
Te Haurangi Waihiku x tana tohu.
Na Te Hei Hineipaketia.

Nga Kai titiro—

Ko te Hapuku x tana tohu.
G. S. Cooper, Dist. Comr.