Tenei Pukapuka1859. 11 August.Hawke's Bay. i tuhituhia i tenei tekau ma tahi (11) o nga ra o Akuhata i te tau o to tatou Ariki 1859 he Pukapuka tino hoko tino hoatu tino tuku whakaoti atu na matouWhro-O- Manawakawa. na nga Rangatira me nga Tangata o Ngatimanawakawa no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhiuhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moui E rima rau e ono tekau (£560) kua utua mai ki a matou e te Makarini mo te Kuini (a e whakaaetia nei e matou te rironga mai o aua moni) ko taua wahi whenua katoa kei Ruahine ko te Waro o Manawakawa te ingoa o taua wahi whenua ko nga rohe kei raro i te Pukapuka nei e mau ana te korero whakahaere. Me ona rakau me ona kowhatu me ona wai me ona awa.nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tonu mo to matou whakaaetanga ki nga tikanga katoaBoundaries. o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o te Makarini Kaiwhakarite Whenua. Ko nga rohe enei o taua whenua ka timata i te Waro o to Manawakawa mau atu ko te Whare o te Apu, mau atu ko te Matamata mau atu ko te Nohoparuparu mau atu ko te Motu o Rongotama, mau atu ko te Ramarama, mau atu ko Karangatiori, mau atu ko Oukureia mau atu ko Kopuparapara, mau atu ko te Koao mau atu ko Kahuranaki, ka rere atu ki Otamahere mau atu ko Makaroro mau atu ko te Puta a tarawa, mau atu ko te Ranga a te Atua, mau atu ko Kakariki, mau atu ko Wharekaho, ka puta ki te taha ki raro o Makaroro mau rawa mai ko te Paewai mau mai ko te Puhikereru, mau mai ko te Kotinga a Ruatipua, mau mai ko te Oha a [unclear: Maiti] ka tutaki ki te timatanga atu ki te Waro a te Manawakawa.