Tenei Pukapuka1859. 18 July.Hawk's Bay. tuku whenua e tuhituhia nei i tenei ra i le tekau ma waru (18) o nga ra o Hurae i te tau o to tatou Ariki 1859, he pukapuka tino whakaae pono na matouPorangahau Middle, South. na nga Rangatira me nga tangtata o Ngatimanuwhiri kia hokona kia tino tukua rawatia tetahi wahi o to matou whenua ki a Wikitoria ki te Kuini o Ingarani ki nga Kingi Kuini ranei o muri iho i a ia a ake tonu atu. Mo matou tenei whakaaetanga mo o matou whanaunga me o matou uri katoa e whanau mai i muri i a matou a ake tonu atu. A mo to matou whakaaetanga kia hokona tenei whenua e whakaae ana hold a Wikitoria te Kuini o Ingarani kia utua to matou nei kainga ki nga pauna moni e wha rau (£400). E toru rau (£300) o aua moni kua riro mai ki a maua i tenei ra na te Makarini i homai. Kotahi rau (£100) ka homai ki a matou ko o matou whanaunga a muri atu nei. Ka timata te rohe ki te Rae o Manuwhiri rere noa ki te tihi o te hiwi o te Whawhakanga mau rawa atu ki Taipu a Tamake mau rawa atu ki Taumata o te Rangiaiwa rere noa atuBoundaries. ki Mangaorapa, tapahi rawa atu ki tawahi o te awa rere noa ki te Ure mau rawa atu ki te Rotoiti mau rawa atu ki te Koko o Manuwhiri mau rawa atu ki te Koko o Patao mau rawa atu kite Koko o Hikataeroa mau rawa aku ki te Ahikaruae mau rawa atu ki Tiakipake mau rawa atu ki Paeraugiaia mau rawa atu ki Paeroa katahi ka ahu ki te rawhiti mau rawa mai ki Ngapaeruru ka rere mai ki te rohe o te whenua kua tukua ki te Kuini kei Mangawhero whai tonu mai i taua rohe tutaki noa mai ki te Kae o Manuwhiri.Kotahi te kainga ka whakahokia mai mo matou mo nga, Maori, i roto i enei rohe ka whakapumautia kirunga ki nga tangata e mau iho nga ingoa, ara ki a Wiremu Matua e rima rau (500) eka, ki a Mere Hora kotahi rau (100) eka ki a Atareta Hineitaupea e rima rau (500) eka, ki a Rora tamahine a Piripi te Rangikataua e rua rau (200) eka. Huihuia katoatia enei kainga e wha, kotahi mano e toru rau (1300) eka, ma te pukapuka o te Kuini.(Crown Grant) e whakapumau enei kainga ki runga kei nga tangata. Heoi ano te kainga hei whakahokitanga mai ki a matou i roto inei rohe, ma nga tangata o te Kuini e kimi te wahi hei takototanga mo enei wahi whenua. Heoi kua oti i a matou te mihimihi te hurihuri te poroporoaki te tino tuku rawa atu i tenei whenua o a matou tupuna tuku iho ki a matou, me ona awa me ona wai me ona roto me ona ngaherehere me ona parae me ona otaota me ona rakau me ona pohatu me ona mea katoa kei runga ranei i te mata o te whenua kei raro ranei i te mata o te whenua me ona aha noa iho o taua whenua kua tukua katoatia atu i tenei ra e whiti nei hei kainga pumau tonu iho ki a Wikitoria te Kuini o Ingarani ki nga Kingi Kuini ranei o muri iho i ai a a ake tonu atu. A mo to matou whakaaetanga ki nga tikanga katoa o tenei pukapuka kua tuhituhia o matou ingoa me o matou tohu. A mo te whakaaetanga o te Kuini o Ingarani ki nga tikanga katoa o tenei pukapuka kua tuhituhia te ingoa o te Makarini Kai whakarite whenua mo te Kawanatanga o Nui Tireni.