Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Ruataniwha North and Ruahine Block, Province of Hawke's Bay

Ruataniwha North and Ruahine Block, Province of Hawke's Bay.

Tenei Pukapuka1859. 27 June.Hawke's Bay. tuku whenua e tuhituhia nei i tenei ra i te rua tekau ma whitu o nga ra o Hune i te tau o to tatou Ariki kotahi mano e waru rau e rima tekau ma iwa (1859) he pukapuka tino whakaae pono na matou na nga rangatira me nga tangata oRuataniwhaNorth & Ruahine. Ngatikahungunu e mau nei nga ingoa ki tenei pukapuka mo matou mo o matou whanaunga me o matou uri katoa e whanau mai i muri i a matou kia hokona kia tino tukua rawatia tetahi wahi o to matou kainga ki a Wikitoria te Kuini o lngarangi ki nga Kingi Kuini ranei o muri iho i a ia a ake tonu atu.Receipt for £3,700. A [gap — reason: illegible] to matou whakaaetanga kia hokona tenei wahi o to matou kainga e whakaae ana [gap — reason: illegible] Wikitoria te Kuini o lngarangi mona kia utua to matou nei whenua ki nga pauna moni e toru tautini e whitu rau (£3,700) ko aua moni kua riro mai ki a matou i tenei ra na te Makarini i homai.
Boundaries. Ka timata te rohe o tenei whenua ki Taumata o Taonga, ka rere i roto i Mangahouhou puta noa ki te ngaherehere, mau rawa atu ki Ngatipa; ka rere i Kaitara puta noa ki Turi o Taraia mau rawa atu ki Whakapaupakihi, ka haere i te biwi mau rawa atu ko te Umukuri makere noa ki roto ki Waipawa, mau noa atu ki Makakahi, mau noa atu ki Paeponga, mau noa atu ki te Kotinga a Ruatipua, mau noa atu ki Makaroro, mau noa atu ki Waihora, mau noa atu ki Timurangi, mau noa atu ki Taumata o Mekura, katahi ka haere i te hiwi i Ruahinc puta noa ki te Ranga a te Atua, Wahamaroke. Te Awa a Tupekahu, Maroparea, Tanenui a rangi, Otara o te Marama, puta noa ki Pohatuhaha; katahi ka haere mai i te rohe o te kaiuga kua riro i te pakeha, mau noa mai ki Otuaroa, Otaratahi, te Reureu o Whiuwhiu, te Whakariuwaka, makere noa mai ki Whakaneketuri, totika tonu mai ki Matakite (ko Kereru i kapea ki waho) ka rere mai iKereru excepted. Matakite, haere tonu mai i te rohe o te kainga ka riro puta noa mai ki Mangataiorea, rere noa mai ki Mangamate, ka rere mai i roto i te wai mau rawa mai ki Upoko-o-Paua ka rere ki Wawaurangi, ka rere ki roto ki te Ngaherehere, i te Puku whakamau ki te Kahakaha, haere ki Taumata kainga wakewake, ka haere i te hiwi whakamau atu ki Mangaupokororo, ka whati i kona ka rere ki Taneateko whakamau atu ki Tohu o Pakihiwi, Takapu Moari, whakamau atu ki te Tukurongo, rere tonu mai ki te Rakau Puhi, mau rawa mai ki Ngamoturiki, makere tonu ki Mangamauku, rere noa mai i Mangamauku, puta noa mai ki Mangaonuku, tutaki tonu mai ki Taumata o Taonga. Ka mutu. Ko nga kainga eLands excepted from sale. takoto ana i roto i enei rohe kaore nei e tukua e matou koia enei, ko Tutaetaona, ko Oparua, ko Haowhenua, ko Te Wairere, ko Otamaika, ko Ekatahi, ko Rangi te Kura, ko Kaiwaewae, ko te Kiriapau. No te Hapuku ratou ko tona iwi enei kainga, ehara i a matou; kua porotakatia hoki e matou enei kainga i roto i a matou whenua e tukua ana e matou i tenei ra.
Native reserves. Kotahi te kainga e whakahokia ki a matou i roto i enei whenua, kotahi tautini, kotahi rau e rima tekau nga eka (1150) ki te wahi e whakaatutia e nga tangata o te Kawanatanga, a mua ake nei, me ruri rawa ka whakapumau rawa ki te pukapuka o te Kuini, ki runga ki nga tangata e mau nei nga ingoa, ara ki a te Moananui kotahi rau (100) eka, ki a Tareha, kotahi rau (100) eka, ki a Karaitiana Takamoana, kotahi rau (100) eka, ki a Renata Kawepo, kotahi rau (100) eka, ki a Paoro Torotoro, kotahi rau (100) eka, ki a Paora Kaiwhata, kotahi rau (100) eka, ki a Wiremu te Ota, kotahi rau (100) eka, ki a Noa. Huke, kotahi rau (100) eka, ki a Karauria Pupu, kotahi rau (100) eka, ki a Urupene Puhara, kotahi rau (100) eka, ki a lhaia te Ngira, kotahi rau (100) eka, ki a Ani Kanara raua ko Tiakitai, e rima tekau (50) eka. Heoi ano nga wahi mo matou. Heoi kua oti i a matou te hurihuri te mihi te poroporoaki te tino tuku rawa atu i tenei kainga o a matou tipuna tuku iho ki a matou, me ona awa me ona roto, me ona wai, me ona ngaherehere, me ona parae, me ona otaota, me ona rakau, me ona pohatu, me ona mea katoa kei runga ranei i te mata o te whenua kei raro ranei i te mata o te whenua kua tukua katoatia atu i tenei ra e whiti nei hei kainga pumau tonu iho ki page 532a Wikitoria ki te Kuini o Ingarangi ki nga Kingi Kuini ranei o muri iho i a ia ake tonu atu A mo to matou whakaaetanga ki nga tikanga katoa o tenei pukapuka kua tuhia iho o matou ingoa me o matou tohu.

A mo te whakaaetanga o te Kuini o Ingarangi mona ki nga tikanga katoa o tenei pukapuka kua tuhia iho te ingoa o te Makarini Kai whakarite whenua mo te Kawanatanga o NuiTireni.

Donald Mclean, Chief Land Purchase Commissioner.

Karaitiana.
Noa Huke.
Tareha Ngatuna x.
Urupene Puhara.
Paora Kaiwhata x.
Karauria Pupu x.
Hone Kameka x.
Renata te Kawepo x.
Te Moananui Hawea x.
Tawhara Watene x.
Tuakaua x.
Ihaia te Ngira x.
Hakaraia Pohawaiki x.
Te Harawira Takuao x.
Te.Waka Kawatini x.
Parakete Paurini x.
Ani Kanara x.
Tiakitai x.
Hatareta Hakiwai x
Henare Tomoana x.
Pirimona te Urukahika x.

Nga kaititiro ki tenei homaitanga moni me enei tuhinga ingoa—

G. S. Cooper, Dis. Comr., Napier.
T. K. Newton, Storekeeper, Napier.
William Rich, Contractor.