Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Aropawanui Block (Hepanaia's Claims), Province of Hawke's Bay

Previous Section | Table of Contents | Up | Next Section

Aropawanui Block (Hepanaia's Claims), Province of Hawke's Bay.

1859. 19 April.Hawke's Bay.Tenei Pukapuka tuku whenua e tuhituhia i tenei ra i te tekau ma iwa (19) o nga ra o Aperira i te tau o to tutou Ariki 1859, he pukapuka tino whakaae pono na matou naAropawanui. (Hepanaia's claims.) nga rangatira me nga tangata o Ngaiterangitohumare raua ko Ngaiteaonui, kiai hokona kia tino tukua rawatia atu tetahi wahi o to matou whenua ki a Wikitoria ki te Kuini o Ingarani ki nga Kingi Kuini ranei o muri iho i a ia a ake tonu atu. Na matou tenei whakaaetanga na nga tangata e mau nei nga ingoa ki tenei pukapuka mo matou mo o matou whanaunga me o matou uri katoa e whanau mai i muri iho i a matou a ake tonu atu.
Receipt for £150. A mo to matou whakaaetanga kia hokona tenei whenua e whakaae ana hoki a Wikitoria te Kuini o Ingarani mona kia utua to matou nei kainga ki nga pauna moni kotahi te rau e rima tekau, kua riro mai hoki aua moni ki a matou i tenei ra na te Kupa i homai.
Boundaries. Ka timata te rohe o to whenua ki tahatai i te ngutuawa o Aropawanui ka haere i roto i te wai puta noa ki Papawera katahi ka haere i te huanui puta noa ki te Wharitenga makere noa ki Waipapa ka haere i roto i te awa i Waipapa puta noa ki tatahi haere tonu mai i tatahi tutuki noa mai ki te ngutuawa o Aropawanui. Ka mutu.

Heoi kua oti i a matou te hurihuri te poroporoaki te tino tuku rawa atu i tenei kainga o a matou tipuna tuku iho ki a matou me ona awa, me ona wai, me ona rakau, me oua kowhatu, me ona mea katoa ki runga ranei i te mata o te whenua, kei raro page 529ranei o te mata o te whenua, me ona mea katoa o taua whenua kua oti i a matou te tino tuku rawa atu i tenei ra e whiti nei hei kainga pumau tonu iho ki a Wikitoria.ki te Kuini o Ingarani ki nga Kingi Kuini ranei o muri iho i a ia a ake tonu atu.

A mo to matou whakaaetanga ki nga tikanga katoa o tenei pukapuka kua tuhituhia e matou o matou ingoa me o matou tohu ki tenei pukapuka.

A mo te whakaaetanga o te Kuini o Ingarani ki nga tikanga katoa o tenei pukapuka kua tuhituhia te ingoa o te Kupa, tetahi o nga Kaiwhakarite whenua o te Kawanatanga o Nui Tireni.

G. S. Cooper, Dist. Commissioner.

Hepanaia Tohukai x.
Taituha Tamaitonoa x.
Kaingarua x.
Hariata te Whanauaha x.
Harata te Rua x.
Miriama Hinemare x.
Heni te Raenga x.
Raima Paku x.
Hemi Putaputa x.
Hohepa te Rakato x.
te Koroneho Paewai x.
te Otene Ngutu x.

Previous Section | Table of Contents | Up | Next Section