Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

(Enclosure.)

Previous Section | Table of Contents | Up | Next Section

[i roto i te reo Māori]

(Enclosure.)

1858. 5 MarchHawke's Bay.Tenei Pukapuka tuku whenua e tuhituhia nei i tenei ra i te rima (5) o nga ra o Maehe 1858 he pukapuka tino whakaae pono na matou na nga rangatira me nga tangata o Ngatikahungunu kia tino tukua rawatia tetahi wahi o to matou kainga ki a Wikitoria te Kuini o Ingarangi ki nga Kingi Kuini ranei o muri iho i aTe Mata. (Karanema's reserve) ia a ake tonu atu.
A mo to matou whakaaetanga kia tukua tenei kainga e whakaae ana a WikitoriaReceipt for £400. te Kuini o Ingarangi mona kia homai ki a matou nga pauna moni e wha rau takitahi £400 ko aua moni kua riro mai ki a matou i tenei ra na te Kupa i homai. Heoi ano ki a matou Ma te Kupa e whakarite te taha ki o matou whanaunga.
Ko te whenua tenei i kapea ki waho i to matou tukunga i te Mata i mua ka timataBoundaries. te rohe ki Karituwhenua ka rere ki te Hau, ka rere tonu i te hiwi i te Mata puta noa ki Kahurangi, ka whati i kona rere noa ki te kauru o te Ngakau o Hape, rere tonu ki Ototara, ka puta ki Ngaruroro, rere tonu i te Awa tutaki tonu ki Karituwhenua.

Heoi kua oti i a matou te hurihuri te poroporoaki te tino tuku rawa i tenei kainga o a matou tupuna tuku iho ki a matou me ona awa, me ona mea katoa kua oti i a matou te tino tuku rawa atu i tenei ra e whiti nei ki a Wikitoria te Kuini o Ingarangi ki nga Kingi Kuini ranei o muri iho i a ia ake tonu atu.

page 528

A mo to matou whakaaetanga ki nga tikanga katoa o tenei pukapuka kua tuhia iho o matou ingoa me o matou tohu. A mo te whakaaetanga o te Kuini o Ingarangi mona ki nga tikanga katoa o tenei pukapuka kua tuhia iho to ingoa o te Makarini Kai whakarite Whenua mo te Kawana o Nui Tireni.

Donald Mclean.

Te Hapuku Ika o te Moana x.
Meri Hineitakaa x.
Te Wakatomo x.
Paratene te Akonga x.
Te Koko.
Arihia per Hapuku x.
Te Hapuku Koao x.
Poito x her mark.

Nga kai-titiro ki enei homaitanga moni, me enei tuhinga ingoa—

James McCabe, Surveyor, Auckland.

Previous Section | Table of Contents | Up | Next Section