1858. 20 September.Hawke's Bay. Tenei pukapuka tuku whenua e tuhituhia nei i tenei ra i te rua tekau ma iwa (29) o nga ra o Hepetema i te tau o to tatou Ariki 1858, he pukapuka tino whakaae pono naTe Mata. (Karanema's reserve) matou na nga rangatira me nga tangata o Ngatikahungunu e mau nei nga ingoa ki tenei pukapuka mo matou mo o matou whanaunga me o matou uri katoa e whanau mai i muri iho i a matou kia hokona kia tino tukua rawatia ki a Wikitoria te Kuini o Ingarangi ki ona uri ki nga Kingi Kuini ranei o muri iho i a ia, tetahi wahi o to matou whenua ka oti nei nga rohe te tuhituhi ki roto ki tenei pukapuka e mau nei ano tukua ki te ritenga o te ruri. A mo to matou whakaaetanga kia tino tukua rawatia tenei wahi o to matou whenua, e whakaae ana hoki a Wikitoria te Kuini o Ingarangi mona kia utua to matou nei kainga ki nga pauna moni e waru rau takitahi £800 E wha rau £400 o aua moni i hoatu ki o matou whanaunga e te Makarini i te rima o nga ra o Maehe i tenei tau 1858. E wha hoki rau pauna £400 ka homai nei ki a matou e te Kupa i tenei ra. Ka mutu tonu nga utu mo tenei kainga. Ko te whenua tenei i kapea ki waho i to matouBoundaries. tukunga i te Mata imua. Ka timata te rohe ki Karituwhenua, ka rere ki te Hau ka rere tonu i te hiwi i te Mata, puta noa ki Kahurangi ka whati i kona rere noa ki te kauru o te Ngakau o Hape, rere tonu i roto i te wai, puta noa ki Ototara ka puta ki Ngaruroro, rere tonu i te Awa, tutaki tonu mai ki Karituwhenua.