Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Maraekakaho Block, Province of Hawke's Bay

page 513

Maraekakaho Block, Province of Hawke's Bay.

Tenei Pukapuka tuku whenua e tuhituhia nei i tenei ra i te rua tekau (20) o nga ra o1856. 20 November.Hawke's Bay. Noema i te tau o to tatou Ariki kotahi mano e waru rau e rima tekau ma ono (1856)Maraekakaho. He Pukapuka tino whakaae pono na matou na nga Rangatira me nga tangata o Ngatikahungunu e mau nei nga ingoa ki tenei Pukapuka mo matou mo o matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou whenua ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.
A mo to matou whakaaetanga kia tino tukua rawatia tenei wahi o to matou kaingaReceipt for £1,000. e whakaae ana a Wikitoria te Kuini o Ingarangi mona kia utua to matou nei kainga kinga[Hapuku and others.] pauna moni kotahi te mano takitahi (£1000) ko aua moni kua riro mai ki a matou i tenei ra na te Kupa i homai ki a matou.
Ka timata te rohe o te whenua i te ngutu awa o Maraekakaho ka rere tonu i roto iBoundaries. te awa i runga tonu i te rohe o te whenua i tukua i tera tau—a Makaramu te Aroha te Waikoukou ka rere ki uta i runga tonu i te rohe tawhito puta noa ki Kekakeka te Paua Rakauwharoa Parikarangaranga katahi ka makere ki Mangaonuku ka rere tonu i roto i te wai puta noa ki te Waiohora ka rere i runga i te rohe o te tukunga tuatahi puta noa ki te Ahitara a te Houkura ka rere tonu i runga tonu i te rohe tawhito puta noa ki te Ruakaka ka whati mai i kona rere mai ka mau ana ko te Ahipakura mau rawa mai ko te Pou-a-Wakaarahia mau rawa mai ko te Wai tangitangi mau rawa mai ko te Waka mau rawa mai ko te Kaitaha mau rawa mai ko te Waikoreke mau rawa mai ko Tiritirimatangi ka makere ki roto ki Ongaru rere tonu i roto i te wai mau rawa mai ko Pokotaringa heke tonu mai ki te Umu o Makai ka makere ki roto ki Ngaruroro tutaki tonu atu ki te ngutu awa o Maraekakaho.

Heoi kua oti i a matou te hurihuri te mihi te poroporoaki te tino tuku rawa atu i tenei kainga o a matou tupuna tuku iho ki a matou me ona roto me ona awa me ona manga me ona wai me ona ngaherehere me ona parae me ona rakau me ona kowhatu me ona wahi ataahua me ona wahi kino me ona mea katoa kei runga ranei o te whenua kei raro ranei o te whenua me ona aha noa iho o taua whenua kua oti i a matou te tino tuku rawa atu i tenei ra e whiti nei hei whenua pumau tonu ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.

A mo to matou whakaaetanga ki nga tikanga katoa o tenei Pukapuka kua tuhia iho o matou ingoa me o matou tohu.

A mo te whakaaetanga o te Kuini o Ingarangi mona ki nga tikanga katoa o tenei Pukapuka kua tuhia iho te ingoa o te Kupa tetahi o nga Kai whakarite whenua mo te Kawana o Nui Tireni.

G. S. Cooper,
District Commissioner.

Te Hapuku Ika o te Moana x.
te Paratene te Akonga x.
Hupata x.
Karepa Matiti x.
Ngairo Tupurupuru x.
te Watene te Haehae x.
Tamihana te Whareraupo.
Puhara.
te Ao Mahuta.
Hangahanga x.
Manihera Perahuka x.
Himiona te Maka x.
Hinepaketia x.
Keremeneta Taukere.
Turuhira Rangahua x.
Whaitiri x.
Patahipa x.
te Rupene.

Nga Kai Titiro ki tenei homaitanga moni me enei tuhinga ingoa—

Edward F. Harris, Napier, Clerk and Interpreter.
Te Waka Rewharewha, te Aute, Aboriginal Native.