Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Tutaekuri Block, Province of Hawke's Bay

Previous Section | Table of Contents | Up | Next Section

Tutaekuri Block, Province of Hawke's Bay.

Tenei Pukapuka1856. 13 November.Hawke's Bay. tuku whenua e tuhituhia nei i tenei ra i te tahi tekau ma toru (13) o nga ra o Noema i te tau o to tatou Ariki Kotahi mano e waru rau e rima tekau ma onoTutaekuri. (1856) He Pukapuka whakaae pono na matou na nga Rangatira me nga Tangata o Ngatikahungunu e mau nei nga ingoa ki tenei Pukapuka mo matou mo o matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou kainga ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.
A mo to matou whakaaetanga kia tino tukua rawatia tenei wahi o to matou kainga e whakaae ana hoki a Wikitoria te Kuini o Ingarangi mona kia utua matou ki nga pauna moni E rua rau (£200) takitahi. Kotahi te rau (£100) i homai ki a matou i te
Received—
  11 Apr., 1855£100
  13 Nov., 1856100
£200
tekau ma tahi (11) o nga ra o Aperira i te tau kotahi mano e waru rau e rima tekau ma rima (1855) A ko te rau kotahi (£100) i toe kua riro mai ki a matou i tenei.ra na te Kupa i homai. Heoi ano nga utu ki a matou mo tenei whenua.
Ka timata te rohe o tenei whenua ki te kongutu awa o Tutaekuri raua ko Purimu ka haere i roto i Tutaekuri tae noa ki te Pukeroa tae noa ki Ruahine tae noa kiBoundaries Whakararanui tae noa ki te Oneahuahu tae noa ki Owhangai tae noa ki Tamihinu tae noa ki Pakaua ka tutaki ki runga ki te rohe tawhito ki Purimu.

Heoi ra kua oti i a matou te hurihuri te mihi te poroporoaki te tino tuku rawa atu i tenei kainga o a matou Tupuna tuku iho ki a matou me ona awa me ona roto me ona wai me ona manga me ona rakau me ona kowhatu me ona otaota me ona wahi parae me ona ngaherehere me ona wahi [gap — reason: illegible] me ona wahi kino me nga mea katoa kei runga ranei o te whenua kei raro ranei o te whenua me nga aha noa iho o taua whenua kua tukua katoatia atu e matou i tenei ra e whiti nei hei whenua pumau tonu iho ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.

A mo to matou whakaaetanga ki nga tikanga katoa o tenei Pukapuka kua tuhia iho o matou ingoa me o matou tohu ki Ahuriri i tenei ra i te tahi tekau ma toru 13 o nga ra o Noema i te tau kotahi mano e waru rau e rima tekau ma ono 1856.

page 511

A mo te whakaaetanga o te Kuini o Ingarangi mona ki nga tikanga katoa o tenei Pukapuka kua tuhia iho te ingoa o te Kupa tetahi o nga Kai whakarite whenua o te Kawana o Nui Tireni.

G. S. Cooper,
Dist. Commissioner.

Tarehax.
Karauria Pupu.
Hona Hoeroa.

Nga kai titiro ki tenei homaitanga utu me enei tuhinga ingoa—

H. S. Tiffen, District Surveyor, Napier.
M. Fitzgerald, Surveyor, Napier.

Previous Section | Table of Contents | Up | Next Section