Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Mataruahou (Scinde Island) Block, Province of Hawke's Bay

Mataruahou (Scinde Island) Block, Province of Hawke's Bay.

Tenei Pukapuka tuku whenua e tuhituhia nei i tenei ra i te tahi tekau ma toru (13) o1856. 13 November.Hawke's Bay. nga ra o Nowema i te tau o to tatou Ariki kotahi mano e waru rau e rima tekau ma ono (1856). He Pukapuka whakaae pono na matou na nga tangata me ngaMataruahou. (Scinde Island.) Rangatira o Ngatikahungunu e mau nei nga ingoa ki tenei Pukapuka mo matou mo o matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou kainga ki a Wikitoria te Kuini o Ingarangi ki nga Kingi Kuini ranei o muri iho ia ia a ake tonu atu.
A mo to matou whakaaetanga kia tino tukua rawatia tenei wahi o to matou kaingaPrice, £50, and two town sections for Tareha. e whakaae ana a Wikitoria te Kuini o Ingarangi kia utua matou ki nga pauna moni E rima tekau takitahi (£50). E rua tekau ma rima (£25) o aua moni i homai ki a matou e te Makarini i te tekau ma tahi (11) o nga ra o Aperira i te tau kotahi mano e waru rau e rima tekau ma rima (1855). A ko te rua tekau ma rima (£25) e toe kua riro
Received
  11 April, 1855£25
  This date25
£50
mai ki a matou na Te Kupa i homai. Heoi ano nga moni ki a matou mo tenei kainga. Tenei ano hoki tetahi wahi o nga utu ki a matou mo tenei whenua E rua nga tekiana o te Taone. Ko nga tohu o aua tekiana ki runga ki te taati o te Taone o Nepia.

Ko enei tekiana wakatumauria e te Kuini ki aTareha.

Ka timata te rohe ki te rohe tawhito ki Oterango rere atu i te taha o te wai ki aBoundaries. Poua rere atu ki Omoko rere atu ki te Ahi-tahu-o-te-Waru ka tapahi ki runga ki te tahuna ki te Taupata ka puta ki te Moana ka haere i te taha o te Moana tutaki noa ki te rohe tawhito.

Heoi ra kua oti i a matou te hurihuri te mihi te poroporoaki te tino tuku rawa atu i tenei kainga o a matou tupuna tuku iho ki a matou me ona awa me ona roto me ona wai me ona manga me ona rakau me ona kohatu me ona otaota me ona wahi parae me ona ngaherehere me ona wahi ataahua me ona wahi kino me nga mea katoa kei runga ranei o te whenua kei raro ranei o te whenua me nga aha noa iho o taua whenua kua tukua katoatia atu e matou i tenei ra e whiti nei hei whenua pumau tonu iho ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.

A mo to matou whakaaetanga ki nga tikanga katoa o tenei Pukapuka kua tuhia iho o matou ingoa me o matou tohu ki Ahuriri i tenei ra i te tahi tekau ma toru 13 o nga ra o Nowema i te tau kotahi mano e waru rau e rima tekau ma ono 1856.

A mo te whakaaetanga o te Kuini o Ingarangi mona ki nga tikanga katoa o tenei pukapuka kua tuhia iho te ingoa o te Kupa tetahi o nga Kai whakarite whenua o te Kawana o Nui Tireni.

G. S. Cooper,
District Commissioner.

Tarehax.
Karauria Pupux.
Hone Hoeroax.

Nga Kai titiro ki enei homaitanga utu me enei tuhinga ingoa—

H. S. Tiffen, District Surveyor, Napier.
M. Fitzgerald, Surveyor, Napier.

page 510