Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Te Totara Block, Rua o Taniwha, Province of Hawke's Bay

Te Totara Block, Rua o Taniwha, Province of Hawke's Bay.

1855. 28 August.Hawke's Bay.Tenei pukapuka tuku whenua i tuhituhia i tenei ra i te rua tekau ma waru (28) o nga ra o Akuhata i te tau o to tatou Ariki kotahi mano e waru rau e rima tekau ma rimaTe Totara (1855). He pukapuka tino whakaae pono na matou na nga rangatira me nga tangata o Ngatikahungunu e mau nei nga ingoa ki tenei pukapuka mo matou mo o matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou kainga ki a Wikitoria te Kuini o Ingarangi me nga Kingi Kuini ranei o muri iho i a ia ake tonu atu.
Receipt for£1,000
Received
  23 Mar., 1855300
£1,300
A mo to matou whakaaetanga kia tino tukua rawatia tenei wahi o to matou kainga e whakaae ana hoki a Wikitoria te Kuini o Ingarangi mona kia utu i a matou ki nga pauna moni kotahi mano e toru rau (£1300). E toru rau o enei moni kua riro mai ki a matou i tangohia hoki e matou ki Ahuriri i te 23 o Maehe 1855 Ko te toenga ara te kotahi mano kua riro mai ki a matou i tenei ra na te Makarini i homai.
Boundaries. Ka timata te rohe i te taha tonu o te rohe o Paaka (Park) te kai ruri ki Totaratutahi ka rere i taua rohe puta noa ki Waipaua haere tonu i roto i Waipaua puta noa ki Kauaenui ka whati mai i reira mau noa mai ki Taumataopuatea mau noa atu ki te Atuamarama mau noa atu ko Rangiiti mau noa ki te Paraikiri mau noa atu ki Tukituki ki te Wharau ka rere i roto i Tukituk mau noa atu ki te rohe o Paaka ara ki te tutakitanga ki te rohe tuatahi i Totaratutahi.

Heoi ka oti rawa nga wahi katoa o roto o enei rohe te tino hoko te tino tuku rawa atu i tenei ra e whiti nei ki a Wikitoria te Kuini o Ingarangi ki nga Kingi Kuini ranei o muri iho i a ia ake tonu atu me ona rakau me ona kowhatu me ona aha noa iho o taua whenua.

page 505

A mo te whakaaetanga ki nga tikanga katoai roto i tenei pukapuka ka tuhia iho o matou ingoa me o matou tohu, a mo te whakaaetanga o te Kuini o Ingarangi mona ki nga tikanga katoa o roto o tenei pukapuka ka tuhia iho e te Makarini te Kai whakarite whenua o te Kawanatanga o Nui Tireni tona ingoa.

Donald McLean,
Commr.

Te Hapuku Ika o te Moana x.
Hakaraia.
Hirini Hoekaux tona tohn.

Nga kai titiro ki enei homaitanga utu me enei tuhinga ingoa—

Ebenezer Baker, Clerk, Auckland.
John White, Interpreter, Auckland.
John Casey, Teacher, Auckland.
William B. Baker, 1st Clerk, L.P.C.