Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Rangitikei Block (Inland Boundary), Rangitikei District

Rangitikei Block (Inland Boundary), Rangitikei District.

Kua riro mai ki a matou na te Makarini nga pauna moni e rima rau takitahi £500 Ko1852. 22 May.Rangitikei District. nga moni enei i wakaaetia e nga Kawana o Niu Tireni kia homai ki a matou i tuhia iho hoki te whakaaetanga ki roto ki to matou pukapuka nui o nga tikanga tuku whenua iRangitikei Inland Boundary. tuhituhia e matou tahi ko te Makarini i to matou huihuinga nui ki Whanganui i te 15 me te 16 o nga ra o Mei i te tau 1849.Receipt for £500, last instalment.
No muringa iho o te tuhituhinga o taua pukapuka ka wakaaetia nei kia wakahokia mai kia wakatakotoria e te Makarini e Paka me ona kai ruri me Hori te Rangiao me nga Rangatira o Ngatiraukawa o Ngatirangatahi o Whanganui o etahi atu wahi te rohe oBoundaries. uta o Rangitikei ki teKainga e huaiua ko te Houhou ka tapahi haere i reira puta noa ki te ritenga o Whareroa hei rohe pumau tonu iho mo tenei tukunga whenua o Ngatiapa.

A kia rongo mai hoki nga tangata katoa o tenei huihuinga ko te otinga wakamutanga rawatanga tenei o nga utu mo ta matou whenua me te wakapumautanga o nga tikanga me nga korero katoa o roto o nga pukapuka tuku whenua kua oti i a matou me o matou whanaunga kua mate me o matou tangata ora te tuhituhi te wakapumau i enei nga tau kua mahue ake nei ara i te tau 1849, 1850, 1851 ara i a matou i tenei tau ano hoki i te wha o nga tangohanga utu i te tau 1852.

A ka piri pu ano matou ka tiaki tonu i nga pakeha noho tahi nei ki o matou kainga i nga oha o a matou tangata mate ki te mea e puta mai he raruraru o nga iwi tangata ke ki a ratou.

A mo te rironga mai o enei moni e rima rau pauna £500 ki o matou ringaringa ka tuhituhia iho o matou ingoa me o matou tohu i te aroaro o tenei wakaminenga i tenei ra e witi nei i te 22 o nga ra o Mei i te tau o to tatou Ariki kotahi mano e waru rau e rima tekau ma rua 1852.

Donald McLean,
Land Comr.
page 438 Kawana te Hakeke.
Ko te Reihana.
Ko Peni.
Ko Hakaraia.
Ko te Harawira.
Ko te Wirihana.
Ko Wiremu te Hawea.
Ko Hamuera te Oti.
Ko te Tahana.
Ko te Reweti.
Ko te Waitere.
Ko Tamati.
Ko Matene.
Ko te Manihera.
Ko te Matenga.
Ko Paora.
Panapa Uruterangi x his mark.
Tohe Kura x his mark.
Aropeta x by Tohe Kura.
Hinia x.
Kereopa x his mark.
Ko Utiku.
Ko Pita.
Ko Hohaia.
Hamiora.
Hare Tipene.
Hira.
Ko Hona.
Ko Hohepa.
Ko Paihana.
Ko Hone.
Ko Hoera.
Ko Ropapira.
Ko te Retimana.
Ko Rawiri.
Ko Tamati.
Ko Parakaia.
Ko Nikera.
Ko Mohi.
Ko Paraone.
Ko Hohi.
Ko Hona.
Ko Kaneke.
Ko Matiaha.
Ko Rupuha.
Ko te Watene.
Ko Teneti.
Ko Mapo.
Ko Hoaui.
Ko Hemi.
Ko Pera.
Ko te Katipo.
Ko te Maunu.
Ko Aperaha.
Ko te Warena.
Ko Hone.
Ko Wiremu.
Ko Hua.
Ko te Wirihana.
Ko Hori.
Ko te Pouhipi.
Ko Nipiriri.
Ko Taimona.
Ko te Waka.
Ko Tamati Puna.
Ko Punipuni.
Ko Reupene.

Nga kai-titiro ki enei homaitanga utu me enei tuhinga ingoa—

Robert Park, Government Surveyor.
John Rochfort, Surveyor.
Edward Cumberfield, Survey labourer.
James McDonell, Settler, Rangitikei.
Thomas Scott, Settler.