1864. 23 August.Wairarapa District. Tenei pukapuka i tuhituhia i tenei rua tekau ma toru o nga ra o Akuhata i te tau o to tatou Ariki 1864 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatikahungunu no ratou nga ingoa eMotukaitutae. mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei Pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai he whakaritenga mo nga Pauna moni kotahi te rau takitahi £100 kua utua mai ki a matou e teBoundaries. Kupa—G. S. Cooper—mo te Kuini (a e whakaaetia nei e matou te rironga mai o aua moni) ko taua wahi whenua katoa kei Upokongaruru ko Motukaitutae te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Kupa—G. S. Cooper—Kaiwhakarite Whenua. Ko nga rohe enei o taua whenua ki te ngutuawa o Ngauwaewae te timatanga, ka rere i roto i Upokongaruru puta noa ki te Pukainga, ka whati ikona mau noa atu ko Manupopokirua, mau rawa atu ko Motu o te Ruinga ka mau ki te Wharetotara, ka rere i te wai mau noa atu ko Whakatamahine, ko whati ikona ka rere ki te kauru o Ngauwaewae ka rere i roto i te wai mau rawa mai ko Upokongaruru.