[i roto i te reo Māori]
Tenei Pukapuka i tuhituhia i tenei ra i te tekau ma tahi o nga ra o Aperira i
te tau o1864. 11 April.Wairarapa District. to tatou Ariki 1864 he pukapuka tino hoko tino hoatu tino tuku
whakaoti atu na matou na nga Rangatira me nga tangata o te Hapu o Ngatiteumu
no ratou nga ingoa e mau i raro nei a hei whakaatu tenei Pukapuka mo
matouWhangaehu. mo o matou whanaunga me o matou uri mo te tuhituhinga o o matou ingoa
ki tenei Pukapuka i raro i te ra e whiti nei kua whakarerea rawatia kua tino
tukuna rawatia atu ki a Wikitoria Kuini o Ingarani ki ona uri ki nga Kingi ki
nga Kuini o muri iho i a ia me ana me a ratou e whakarite ai hei whakaritenga
mo nga Pauna moni e rua tekau ma rima pauna moni kua utua mai ki a matou e Te
Petatone Kaihoko whenua mo to Kuini (a e whakaaetia nei e matou te rironga mai
o aua moni) ko taua wahi whenua katoa kei Wairarapa ko Whangaehu te ingoa o
taua wahi whenua ko nga rohe kei raro i te Pukapuka nei e mau ana te korero
whakahaere ko te mapi hoki o taua whenua kua apititia ki tenei. Me ona rakau
me ona kowhatu, me ona wai me ona awa nui me ona roto me ona awa ririki me nga
mea katoa o taua whenua o runga ranei o raro ranei i te mata o taua whenua me
o matou tikanga me o matou take me o matou paanga katoatanga ki taua wahi. Kia
mau tonu ki a Kuini Wikitoria ki ona uri ki ana rauei e whakarite ai hei tino
mau tonu ake tonu atu. A hei tohu mo to matou whakaaetanga ki nga tikanga
katoa o tenei Pukapuka kua tuhituhia nei o matou ingoa me o matou tohu. A hei
tohu hoki mo te whakaaetanga o te Kuini o Ingarani mo tana wahi ki nga tikanga
katoa o tenei Pukapuka kua tuhia nei te ingoa o——Kaiwhakarite whenua. Ko nga
rohe enei o taua whenuaBoundaries. ko te rohe ki te hauraro he whenua na te Maori he whenua e
tautohetohea ana hoki, ka rere atu i te awa o Whangaehu a Taungatara a Pukawa
te Rohe ki te Rawhiti he whenua na te Maori Pukawa tae noa ka Purupuru. Te
Rohe ki te Tonga he whenua Kawanatanga he whenua Maori i Purupuru tae noa ki
te awa o Wangaehu te rohe ki te Hauauru ko te awa Whangaehu.
Wiremu Tinitara te Kaewa.
Karaitiana Korou.
Ko nga tangata i kite ite hoatutanga o nga moni me te tuhinga o nga
ingoa—
Hemi Hemara, Kaiwhakamaori.
Kua riro mai ki a matou i tenei ra i te tekau ma tahi o nga ra o
Aperira i te tau oReceipt for £25. to tatou Ariki kotahi mano e waru rau e ono tekau ma wha (1864) nga
pauna moni e rua tekau ma rima (£25) ko te utu tenei kua whakahuatia ki te
Pukapuka tuku e mau i runga ake nei kia utua mai ki a matou e Te Petatone
kai hoko whenua mo te Kuini.
Wiremu Tinitara Te Kaewa.
Karaitiana Korou.
Nga Kaititiro—
Hemi Hemara, Kaiwhakamaori.