1863. 22 January.Wairarapa District.TeneiPukapuka i tuhituhia i tenei te kotahi tekau ma rua o nga ra o Hanuere i te tau o to tatou Ariki 1863 he pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatikahungunu no ratou nga ingoa e mauTauheru. i raro nei a hei whakaatu tenei pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai heiPayment received in three instalments, £220. whakaritenga mo nga Pauna moni rua rau rua tekau (£220) kua utua mai ki a matou e Te Petetone (Isaac Earl Featherston) e te Makarini, e Herangi e toru nga utunga mo te Kuini (a e whakaaetia nei e matou te rironga mai o aua moni) ko taua wahi whenua katoa kei Wairarapa ko Taueru ki taha waka tonga te Whiti te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei to ingoa o te PetetoneBoundaries. (Isaac Earl Featherston) Kai whakarite Whenua. Ko nga rohe enei o taua whenua ka timata ki te taha whakatonga ki te ngutuawa o Taueru haere tonu i roto i Taueru ki te Rohe o te Whenua i Rohia mo te tangata Maori, mo Hamuera kua oti te tuhi i te mapi (156 eka) e mau nei ano ki tenei pukapuka tuku whenua ka whati i konei ka rere ki Ruamahanga ki te taha o te Whenua o Hamuera i hokona e ia i te Kuini ka whati ka rere ki roto ki Ruamahanga ki te taha whakatonga, a ka tutaki ano ki te ngutuawa o Taueru.