1862. 12 February.Wairarapa District.Tenei pukapuka tuku whenua i tuhituhia i tenei ra i te tahi tekau ma rua o Pepuere i te tau 1862 he pukapuka tino wakaae pono na matou na nga Rangatira me nga tangata o Ngatikahungunu e mau nei nga ingoa ki tenei pukapuka kia tino tukua rawatia tetahi wahiTe Whiti.(Additional.) o to matou kainga ki a Wikitoria te Kuini o Ingarani ki nga Kingi Kuini ranei o muri iho i a ia ake tonu atu. A mo to matou whakaaetanga kia tino tukua rawatia tetahi wahi o to matou kainga e wakaae ana hoki a Wikitoria te Kuini o Ingarani mona kia utua matou ki nga pauna moni Kotahi te rau £100 E rua tekau pauna i riro mai i te 13 o Akuhata 1860. E rua hoki tekau pauna i riro mai i te 24th o Hanuere 1862 E ono tekau Pauna no tenei ra i riro mai ai ki a matou na te Makarini. Ko tenei wahi whenua ki te Whiti. Te Rohe ki te taha ki te rawiti ko te awa o Tauheru, ko tetahi rohe ko te whenua kua riro atu ki te Kuini ma matou ano e whakaatu ki te kai ruri. Ko nga eka o taua whenua ka tukua nei e matou inaianei koia tenei E whitu nga rau e wha tekauBoundaries. [740 acres.] eka na ka kore ano e rite te 740 eka ki te taha i runga o te wahi kua oti atu ki a te Kuini hei reira ka whakaritea ki te taha i raro o taua whenua nga eka e toe ana o te 740 eka. Kotahi te rau eka o tenei tukunga whenua ka hoki ano mo Hamiora Pukaiahi kei Totara Kotipu kei Motu Ngarara. Heoi kua oti rawa i a matou te tino tuku rawa atu o tenei wahi whenua ki Wikitoria te Kuini o Ingarani me ana mea katoa o runga ranei o raro ranei o te whenua hei kainga pumau mona tonu atu ake ake ake. Koia matou ka tuhia iho o matou ingoa tohu ranei.