Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Te Whanga Block, Wairarapa District

Te Whanga Block, Wairarapa District.

1860. 29 March.Wairarapa District.Tenei Pukapuka i tuhituhia i tenei te rua tekau ma iwa o nga ra o Maehe i te tau o to tatou Ariki 1860 he Pukapuka tino hoko tino hoatu tino tuku whakaoti atu na matouTe Whanga. na nga Rangatira me nga Tangata o Ngatikahungunu no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua page 365whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rua rau £200 kua utua mai ki a matou e Te Herangi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Wairarapa ko Te Whanga te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Herangi tetahi o nga Kaiwhakarite whenua. Ko nga rohe enei o tauaBoundaries. whenua ka timata i te ngutuawa o Te Umu o te raunga, rere tonu i te rohe o te Kuini, mau rawa atu te Motu Kahika, mau rawa atu te Motu o Inohi, Te Pi o te Kahaka, Te Motu o Topune, ka ahu whaka te Mauru Te Moenga o te rangi, ka mau ana te Mimi o te Pototara, ka rere i roto i Ruarauhanga, ka puta ki Tauheru, rere tonu i roto i Tauheru, ko te Potahi puta noa ki te Umu o te raunga ka tutaki.

Will. N. Searancke, D.C.
Ripeka Wakau.
Hamiora.
Hoani Wiremu Pohotu.
Maika Purakau.
Hoana.
Tame tawaki.
Ihaia te Pahi.
Ihaia Wakamairu.
Ngatuere Tawhao x his mark.
Te teira Eraina.

Ko nga tangata i kite i te hoatutanga o nga moni me te tuhinga o nga ingoa—

William Tonks, Wellington.
Edward Chew, Masterton.

Kua riro mai ki a matou i tenei ra i te rua tekau ma iwa o nga ra o Maehe i te tauReceipt for £200. o to tatou Ariki Kotahi mano e waru rau e ono tekau (1860) nga Pauna moni E rua rau (£200 . 0 . 0) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Herangi mo te Kuini.

Hoani Wiremu Pohotu.
Ihaia Wakamairu.
Hamiora x his mark.

Nga kai-titiro—

William Tonks, Wellington.
Edward Chew, Masterton.