Otahuao Block, Waiharapa District.
Tenei Pukapuka i tuhituhia i tenei i te rua tekau ma whitu
o nga ra o Maehe i te tau
1860. 27 March.Wairarapa District. o to tatou Ariki 1860 he Pukapuka tino hoko tino hoatu tino tuku
whakaoti atu na matou na nga Rangatira me nga Tangata o Ngatikahungunu no
ratou nga ingoa e mau i raro nei a hei whakaatu tenei Pukapuka mo matou mo o
matou whanaunga me o matou uri
Otahuao. mo te tuhituhinga o o matou ingoa ki tenei pukapuka i raro i te ra e
whiti nei kua whakarerea rawatia kua tino tukuna rawatia atu ki a Wikitoria
Kuini o Ingarani ki ona
page 362 uri ki
nga Kingi ki nga Kuini o muri iho i a ia me ana me a ratou e whakarite ai hei
whakaritenga mo nga Pauna moni £400 O aua moni £200 i homai a te Makarini i te
1
stReceived cash— 1 Dec., 1854, £200. Tihema 1854 £200 i homai a te Herangi kua utua mai ki a matou e Te
Herangi mo te Kuini (a e whakaaetia nei e matou te rironga mai o aua moni) ko
taua wahi whenua kei Wairarapa ko Otahuao te ingoa o taua wahi whenua ko nga
rohe kei raro i te Pukapuka nei e mau ana te korero whakahaere ko te mapi hoki
o taua whenua kua apititia ki tenei. Me ona rakau me ona kowhatu me ona wai me
ona awa nui me ona roto me ona awa ririki me nga mea katoa o taua whenua o
runga ranei o raro ranei i te mata o taua whenua me o matou tikanga me o matou
take me o matou paanga katoatanga ki taua wahi; Kia mau tonu ki a Kuini
Wikitoria ki ona uri ki ana ranei e whakarite ai hei tino mau tonu ake tonu
atu. A hei tohu mo to matou whakaaetanga ki nga tikanga katoa o tenei Pukapuka
kua tuhituhia nei o matou ingoa me o matou tohu. A hei tohu hoki mo te
whakaaetanga o te Kuini o Ingarani mo tana wahi ki nga tikanga katoa o tenei
Pukapuka kua tuhia nei te ingoa o Te Herangi tetahi o nga
Boundaries Kaiwhakarite Whenua. Ko nga rohe enei o taua whenua ka timata i
Hakakahia rere atu i runga i te rohe kua oti te tapahi ki te Pirau (ka ahu atu
ka whiti i Wangaehu) a Patua hinemokai Te Purapura a Te Wai o te Ngarehu, a
Taumataraia i Tauheru ka ahu mai i roto i Tauheru a Mangamutu ka rere mai
Pahikaikakariki a Puketawai, a Te Roto, a Nga puna a toko, a Wangaehu, ka rere
mai i roto i Wangaehu a Ngakopu a te Rangihaeata ikonei ka rere tika tonu ki
te Hakakahia, ka mutu.
William N. Searancke, D.C.
Tamati te Kokorix his mark.
Henare te Mahukihuki.
Raniera.
Hoana Mahea.
Marakaia.
Ana Kanara te Toatoax her mark.
Ko nga tangata i kite i te hoatutanga o nga moni me te tuhinga o nga
ingoa—
William Tonks, Wellington.
David Dixon, Masterton.
Receipt for £200. Kua riro mai ki a matou i tenei ra i te rua tekau ma whitu o nga ra o
Maehe i te tau o to tatou Ariki kotahi mano e waru rau e ono tekau (1860) nga
Pauna moni e rua rau (£200 . 0 . 0) Ko te utu tino whakaotinga tenei kua
whakahuatia ki te Pukapuka tuku e mau i runga ake nei kia utua mai ki a matou
e Te Herangi mo te Kuini.
Raniera.
Tamati te Kokorix his mark.
Henare.
Nga kai titiro—
William Tonks, Wellington.
David Dixon, Masterton.