Tenei Pukapuka i tuhituhia i tenei te kotahi tekau ma wha o nga ra o Hanuere i te tau1860. 14 January.Wairarapa District. o to tatou Ariki 1860 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatikahungunu no ratou nga ingoaRaparimu. e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moui kotahi te rau (£100) kua utua mai ki a matou e te Herangi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Wairarapa ko te Raparimu te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Herangi tetahi o nga Kaiwhakarite Whenua. Ko nga rohe enei o taua whenua ka timata i te ngutuawaBoundaries. o te Ahiaruhe ka rere i roto i Ruamahanga mau rawa atu ko "Matanginui" mau rawa atu ko te Paparewa, Te Puahi, Te Umu o poua, a Kuare a, te Rau o te Parera ka whati ka ahu mai i roto i te Waituhi i runga i te rohe o te whenua kua tukut atu matou ki a te Kuini i mua, ki Punoa, rere tonu mai i runga i taua rohe a te ngutuawa ra ano o te Ahiaruhe, ka tutaki.