1859. 12 October.Wairarapa District.Tenei Pukapuka i tuhituhia i tenei i te kotahi tekau ma rua o nga ra o Oketopa i te tau o to tatou Ariki 1859 he Pukapuka tino hoko tino hoatu tino tuku whakaoti atuIhuraua. na matou na nga Rangatira me nga Tangata o Ngatikahungunu no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e ono rau e rima tekau (£650) kua utua mai ki a matou e Te Makarini mo te Kuini (a e whakaaetia nei e matou te rironga mai o aua moni) ko taua wahi whenua katoa kei the 40 Mile Bush ko Ihuraua te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me oua roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikauga katoa o tenei Pukapuka kuaBoundaries. tuhia nei te ingoa o Donald McLean Kaiwhakarite Whenua. Ko nga rohe enei o taua whenua ka timata i te Ngutu Awa o Waitehoro i Ihuraua, rere tonu i roto i Ihuraua page 355 tae noa atu ki te Hoe, ka whiti, rere tonu atu ki Mongapuka ki Tiraumea tae noa ki Mangaone, ka rere mai i roto i Mangaone tae noa mai ki te Awa ki Kaitiaki, katahi ka rere mai ki Waitehoro, rere tonu mai i roto i Waitehoro a tae noa mai ki Ihuraua, ka mutu. Kotahi te Wahi Rahui 21 Eka, i waenganui o Ihuraua o te Hoe; maKaramana's reserve. [21 acres.] Karamana taua wahi whenua rahui.