1859. 4 February.Wairarapa District.Tenei Pukapuka i tuhituhia i tenei i te wha 4th o nga ra o Pepuer February i te tau o to tatou Ariki 1859 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatikahungunu no ratou nga ingoa e mau iMaungaraki. raro nei a hei whakaatu tenei Pukaputa mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai heiPrice, £400. whakaritenga mo nga Pauna moni e wha rau £400 e rua rau Pauna £200 kua utua mai ki a matou e Te Herangi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Wairarapa ko Maungaraki te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Herangi tetahi o ngaBoundaries. Kaiwhakarite whenua. Ko nga rohe enei o taua whenua ki timata i Tauheru te Wai o te Rangiakaaka ka rere mau rawa atu te Potihitihi ka whiti i te Wharerangihura ka rere te Pukekotai, Te Rae o Hinekaia, Te Parakataha, Te Puta, te Mangakainui te Wai i mau ra ai Arakaiora, Te Puketete, Te Kirikanohi, Tapuahia, Te Koangaumu Hineakiri a te Rae o te hunga ki Wainuioru, ka whati ka rere ki a Poki ki te rohe o te whenua kua hokona i mua ki a te Kuini, rere tonu i te rohe o taua whenua kua oti te hoko Mamaupuha rere tonu i roto i Waipawa tae noa atu ki Tauheru, rere tonu i roto iTangohia Reserve. [50 acres.] Tauheru te Wai o te whatuhi Te Wharerangihura a tutaki noa ki te Wai o te Rangiakaaka Kotahi te wahi whenua ma matou ko Tangohia te ingoa ki te ekenga o Pukemokemoke ki Tauheru ma matou ano ara ekore e rahi ake taua wahi i te rima tekau eka (50 acres).