Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Ahikauru Block (Papahikurangi), Wairarapa District

Ahikauru Block (Papahikurangi), Wairarapa District.

Tenei Pukapuka i tuhituhia i tenei i te whitu o nga ra o Hune (7th June) i te tau o1858. 7 June.Wairarapa District. to tatou Ariki 1858 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatikahungunu Wairarapa no ratou nga ingoa e mau i raro nei a hei whakaatu tenei Pukapuka mo matou mo o matou whanaunga meAhikauru. o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e toru tekau takitahi (£30) kua utua mai ki a matou e William N. Searancke mo te Kuini (a e whakaaetia nei e matou te rironga mai o aua moni) ko taua wahi whenua katoa kei Papa hikurangi ko te Ahikauru te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o tauaBoundaries. whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarangi mo tana wahi ki nga tikanga katoa o tenei Pukapuka kua tuhia nei te ingoa o William N. Searancke Kaiwhakarite Whenua. Ko nga rohe enei o taua whenua ka timata i te Taumata o te mauri te poro waka te rawiti o Papa hikurangi ka rere ki te Whare o taneroa te Waikakariki, ka rere ki roto te awa o Waikakariki Taherekaru ka eke ki to Rohe o te Kuini ki Witimanuka ka anga waka te tonga Taumata o te Manawa te Motu o Punehu ka wati i reira, ka rere ki te Taumata o te Mauri ka tutaki.

Wiremu Kingi.
Ngatuere.

Ko nga tangata i kite i te hoatutanga o nga moni me tetuhinga o nga ingoa—

Thos. Kempton, Junr.
Wiremu Tutere Wakahaurangi.

Kua riro mai ki a matou i tenei ra i te whitu o nga ra o Hune i te tau o to Tatou

Receipt for£30
Received cash
10 Jan., 185620
£50
Ariki Kotahi mano e waru rau e rima tekau ma waru (1858) nga Pauna moni e toru tekau takitahi (£30) Ko te utu tuarua hoki tenei kua whakahuatia ki te Pukapuka tuku e mau i runga ake nei kia utua mai ki a matou e William N. Searancke mo te Kuini.

Kua riro mai,
Wi Kingi.

Nga Kai titiro—

Thos. Kempton, Junr.
Wiremu Tutere Wakahaurangi.

page 336